Vhong Navarro sa emosyonal na mensahe ni Ryan Bang: "Ano yun mag-syota kayo?"

- Kinaaliwan si Vhong Navarro sa kanyang pabirong reaksiyon sa emosyonal na mensahe ni Ryan Bang para kay Jhong Hilario

- Sa pagdiriwang ng kaarawan ni Jhong nitong August 11, isa-isang nagbigay ng mensahe ang kanyang mga co-hosts sa noontime show

- Si Vhong ang nakatakdang magbigay ng mesahe para kay Jhong pagkatapos ni Ryan

- Hirit ni Vhong, mahirap na sundan ang mensahe ni Ryan dahil aniya ay naiyak pa ito

Kinaaliwan si Vhong Navarro dahil sa kanyang reaksiyon sa emosyonal na mensahe ni Ryan Bang kay Jhong Hilario na nagdiwang ng kanyang kaarawan nitong August 11. Hirit ni Vhong, mahirap na sundan ang mensahe ni Ryan dahil aniya ay naiyak pa ito.

Panimula ni Vhong, niiyak siya kasi ang ganda ng sinabi ni Ryan Bang. Aniya, paano niya itatawid ang kanyang mensahe gayong naiyak si Ryan sa kanyang mensahe.

Read also

Zeinab Harake sa pag-aalaga ni Ray Parks kay Bia: "Tanggal ang pagod ko"

Naiiyak ako kasi ang ganda ng sinabi mo eh. Dapat ikaw nahuli. Asawa mo ba to, grabe naman iyak mo. Yung asawa nga hindi nag-message ng ganun sa kanya eh. Ano yun, mag-syota kayo?

Kinantyawan naman siya ng mga kasamahan niya na umiyak na rin siya ngunit aniya ay ayaw niya kasi dapat ay iwanan nila na masaya ang kanilang pagdiriwang.

Si Vhong Navarro ay nakilala sa mundo ng showbiz bilang isa sa miyembro ng all-male dancers na Streetboys. Sumikat din siya sa kanyang novelty songs na Totoy Bibo, Don Romantico at Chickboy. Naging bida din siya ng ilang pelikula kagaya ng Da Possessed, My Only You, Unli Life, D' Anothers, at Agent X44. Ikinasal siya sa creative manager at screenwriter na si Tanya Bautista.

Read also

Ryan Bang, emosyonal na nagbigay ng birthday message kay Jhong Hilario

Matapos ang kanyang pagpapahinga sa pagbabahagi ng YouTube content, muling nag-upload si Vhong ng video sa kanyang YouTube channel. Ibinahagi niya ang isang car tour sa kanyang customized van na kanyang pinagawa sa Atoy Customs na kilala sa paggawa ng mga artista vans. Ani Vhong second hand niya lang nabili ang naturang van ngunit nagawa umano itong pagmukhaing sosyal matapos niyang ipa-customize. Sa kanyang vlog, pinakita ni Vhong ang iba't-ibang bahagi ng kanyang van na aniya ay bagay para sa kanya lalo na sa kanyang trabaho.

Nag-file ng kaso ang Taguig prosecutors laban kay Vhong Navarro kaugnay sa umano'y panggagahasa ng TV host kay Deniece Cornejo. Nauna nang binasura ng DOJ ang reklamo ni Cornejo dahil sa umano'y inconsistent na pahayag nito. Gayunpaman, pinayagan ng Court of Appeals ang petition ng kampo ni Cornejo kaugnay sa pagkakabasura ng kanyang reklamo. Mas maigi umano ayon sa Court of Appeals na patunayan ni Vhong na hindi totoo ang alegasyon sa kanya sa pamamagitan ng paglilitis sa kaso.

Source: KAMI.com.gh