Ogie D, nakausap si Direk Lauren ng Star Magic ukol umano sa post ni Janella Salvador

- Nahingan ni Ogie Diaz ng pahayag si Direk Lauren Dyogi ukol umano sa aktres na si Janella Salvador

- Matatandaang nag-viral ang cryptic post ni Janella na patungkol umano sa launch ng catalog ng Star Magic

- Hihingi raw umano ng dispensa si Direk Lauren kay Janella at hiling ni Ogie na tanggapin naman ito ng aktres

- Ayon pa kay Ogie, nasabi ni Direk Lauren na marami umanong nabago sa naturang catalog na nagdagdag pa ng pahina

Nagbigay pahayag umano si Direk Lauren Dyogi ng Star Magic kay Ogie Diaz ukol sa post ni Janella Salvador kamakailan.

Matatandaang nag-viral ang naturang post ni Janella na sinasabing patungkol sa star magic

"To be fair, kinuha namin ang panig ni Direk Lauren Dyogi. Si Direk Lauren kasi ang pumalit kay Mr. M. Siguro at this point no, nakausap na ni Direk Lauren si Janella kasi sinabi sakin ni Direk noong July 8 ng 5:49 e di pa raw niya nakakausap si Janella at hihingi nalang daw siya ng dispensa kay Janella,

Read also

Claudine Barretto, balak magdemanda dahil sa nasabi ni Sabrina M ayon kay Ogie Diaz

"Kasi nga sabi ni Direk Lauren, last minute may nabago sa layout. At kailangan magdagdag ng pahina. Medyo marami din naman daw silang hindi naisama, Anyway sana tanggapin ni Janella 'yung paghingi ng dispensa ng Star Magic," ani Ogie D.

Narito ang kabuuan ng talakayan mula sa Ogie Diaz Showbiz Update:

Si Ogie Diaz o Roger Diaz Pandaan sa tunay na buhay ay isang komedyante, aktor at showbiz reporter. Nakilala siya sa kanyang pagganap bilang si Pekto sa comedy show na "Palibhasa Lalake".

Sa ngayon, pinakakaabangan ng marami ang mga video sa kanyang YouTube channel na "Ogie Diaz" at "Ogie Diaz Showbiz Updates" dahil sa mga maiinit na showbiz balita at interview sa mga artista at kilalang personalidad.

Samantala, si Janella Salvador naman ay isang Filipina actress. Siya ay anak nina Jenine Desiderio and Rage band frontman, Juan Miguel Salvador. Mas nakilala siya nang gumanap bilang si Grace “Nik-Nik” Lim in "Be Careful With My Heart." Pinakahuling proyektong nagawa ni Janella ay ang 'Darna' kung saan hinangaan ng marami ang kanyang pagganap bilang si Valentina.

Source: KAMI.com.gh