Cristy, nabanggit ang tungkol sa bodyguard ni Vhong: "Mahirap, magastos!"

- Naikwento ni Cristy Fermin ang umano'y pagkakaroon ng personal bodyguards nina Vhong Navarro at kanyang pamilya

- Ani Cristy, malaki na umano ang gastos ni Vhong sa kanyang mga personal bodyguards

- Bukod kay Vhong, may bodyguard din ang kanyang misis at dalawang mga anak

- Aniya, kailangan daw nitong mag-ingat pa rin kahit na siya ang napaboran ng korte sa umano'y akusasyon sa kanya

Isa sa mga natalakay nina Cristy Fermin, Romel Chika at Wendell Alvarez sa Showbiz Now Na! ay ang pagkakaroon ng bodyguards ni Vhong Navarro at kanyang pamilya.

Nalaman ng KAMI na may kaugnayan pa rin ito sa akusasyon kay Vhong na sa kabila ng pagpabor sa kanya ng korte sa kasong naisampa sa kanya, iniisip pa rin niya ang seguridad nila ng kanyang pamilya.

Read also

Melai Cantiveros, trending sa Twitter dahil sa kanyang nakakaaliw na IG stories

"Ang laki na ng nagagastos ni Vhong Navarro. Bukod sa kanyang mga personal bodyguards, ang kanyang pamilya ay meron din. Ang kanyang dalawang anak tapos siyempre ang wife niya at ang kanyang mga magulang meron ding bodyguard," ani Cristy.

"Kailangan e. kailangan niyang mag-ingat. 'Di ba may nanghula na maaring manalo siya legally pero maaring may mangyari sa kanya sa ibang paraan. Kasi alam mo naman 'pag mahigpitan ang laban, kung hindi mo makuha ang puno pwede kang pumunta sa sanga sa bulaklak, sa sanga, sa mga dahon," pagpapatuloy pa niya.

Naisip nilang malaki ang nailalaang pera ni Vhong para rito lalo na at nakabalik na rin siya sa kanyang hanapbuhay.

"Magkano ngayon ang isang personal bodyguard? Meron si Vhong na tatlo, 'yung mga anak niya may tig isa, 'yung kanyang wife. Ay, mahirap,magastos."

Read also

Miles Ocampo, sasailalim pa sa isang procedure: "After that, maintenance na lang for life"

Narito ang kabuuan ng kanilang talakayan mula sa YouTube channel na Showbiz Now Na!:

Si Vhong Navarro ay isang dancer, komedyante at TV host sa Pilipinas. Una siyang nakilala bilang isa sa mahuhusay na miyembro ng Streetboys bago siya naging isang komedyante. Ngayon, isa si vhong sa host ng noontime show na It's Showtime.

Samantala, patuloy pa rin ang pamamayagpag ng kilalang batikang Entertainment writer at reporter na si Cristy Fermin sa pagbabahagi ng pinakabagong balita at isyu sa entertainment scene ng bansa.

Ito ay sa kanyang mga programang Cristy Ferminute at YouTube channel na Showbiz Now Na! kasama sina Morly Alinio, Romel Chika at Wendell Alvarez.

Source: KAMI.com.gh