Jam Villanueva, nagbahagi ng saloobin tungkol sa self worth at moving on

• Pinakita ni Jam Villanueva ang kanyang pagbangon mula sa kontrobersya sa pamamagitan ng kanyang unang endorsement sa Ampong Dental
• Sinabi ni Villanueva na "My self-worth is non-negotiable" at binigyang-diin ang kahalagahan ng pagpapahalaga sa sarili sa kabila ng mga pagsubok
• Ibinahagi ni Villanueva na nakaranas siya ng mga banta sa buhay at mga komentaryo mula sa mga netizens, ngunit nagpatuloy siyang magpokus sa positibong aspeto ng buhay
• Bago magsimula ng bagong yugto sa kanyang buhay, inamin ni Villanueva na hindi siya interesado sa showbiz ngunit nais niyang maging boses ng mga tao sa parehong sitwasyon

Naging sentro ng usap-usapan si Jam Villanueva matapos ilantad ang diumano’y pagtataksil ng kanyang ex-boyfriend na si Anthony Jennings kay Maris Racal, na nagresulta sa mga paghingi ng paumanhin mula sa dalawa.

Sa kabila ng kontrobersya, nagdesisyon si Villanueva na iwasan ang ingay at magpokus sa sarili. Nitong Miyerkules, nagkaroon siya ng unang public appearance sa paglulunsad ng Ampong Dental Essentials, isang brand na kanyang ine-endorso.

Read also

Rosemarie Tan Pamulaklakin, aatras sa pagtakbo bilang konsehal ng Maynila

Ayon kay Villanueva, natutunan niyang "ang self-worth ko ay non-negotiable" at "never lose yourself in the process kung anong nangyayari sa buhay mo." Ibinahagi rin niya na pinipili niyang nakapaligid sa kanya ang mga tao na may magandang intensyon at may malasakit. “As much as possible pinipili ko ‘yung mga taong nakapaligid sa akin na talagang support system na ipupunta ka talaga sa tama,” dagdag niya.

Pagdating sa personal na pagpapatawad, sinabi niyang "I wish them well" at inamin na ang proseso ng pagpapatawad ay hindi madali ngunit siya’y patuloy na nagsusumikap. Nais din niyang maging boses ng mga tao na dumaan sa parehong sitwasyon.

Bukod pa rito, inilahad ni Villanueva ang mga matinding pagsubok na dinaanan, kabilang ang mga banta sa buhay na kanyang natanggap mula sa mga netizens. "Sometimes I read (comments) po talaga... I even received death threats," ani Villanueva. Sa kabila ng lahat ng ito, umaasa siyang makakabangon at magpapatuloy sa kanyang buhay na may mas positibong pananaw.

Read also

Pamilya ni Gloria Romero, nagsalita tungkol sa kumakalat na ‘last will and testament’ ng aktres

Ngayong taon, nagsimula si Villanueva ng bagong yugto ng kanyang buhay at sinabi niyang hindi siya interesado sa showbiz. "Definitely not in my mind po talaga ang showbiz but more on parang I wanted to be the voice of those people who have the same situation sa akin," pahayag niya.

Kamakailan lang ay pinakilala si Jamela bilang pinakabagong ambassador ng isang dental clinic.

Pagkatapos ng kanyang pinakabagong tagumpay, nagbahagi si Jamela ng isang makabuluhang post sa social medi. Isinulat ni Jam ang tungkol sa pag-move on patungo sa mas maliwanag na simula at bumati rin siya sa lahat ng isang maligayang Chinese New Year.

Source: KAMI.com.gh