Russian performer, inatake ng higanteng isda habang nagtatanghal bilang sirena sa aquarium

• Inatake ng isang dambuhalang isda ang babaeng Russian performer na si Masha habang nagtatanghal bilang sirena sa isang aquarium sa Tsina
• Nakawala si Masha mula sa pagkakakagat ng isda ngunit nagtamo siya ng mga sugat sa ulo, leeg, at mata
• Pinilit umano siya ng kanyang employer na bumalik sa tubig sa kabila ng kanyang tinamong pinsala at binayaran lamang siya ng halos $100 na kompensasyon
• Mabilis na nag-viral sa Douyin ang video ng insidente kahit sinabihan siyang huwag itong ipakalat

Isang nakakatakot na insidente ang naganap sa isang Chinese aquarium matapos atakihin ng isang dambuhalang isda ang isang babaeng Russian performer na nakasuot ng sirena habang nagtatanghal sa ilalim ng tubig para sa mga bata.

Ayon sa ulat ng The Daily Mail, ang aquatic artist na nakilala bilang si Masha, 22 taong gulang, ay lumalangoy sa isang tanke sa Xishuangbanna Primitive Forest Park sa katimugang bahagi ng Tsina noong Martes nang bigla siyang masalubong ng malaking isda.

Read also

Pamilya ni Gloria Romero, nagsalita tungkol sa kumakalat na ‘last will and testament’ ng aktres

Sa nakuhang video, makikita ang higanteng isda na biglang kumagat sa ulo ni Masha, halos nilamon ito nang buo. Habang nangyayari ang insidente, maririnig ang sigaw ng takot ng mga batang nanonood pati na rin ng iba pang mga manonood.

Bagamat nahirapan, nagawang makawala ni Masha mula sa pagkakakagat ng isda matapos itong labanan. Ngunit nasira ang kanyang goggles at mabilis siyang lumangoy patungo sa ibabaw ng tubig.

Sa mga ulat mula sa Russia, nagtamo ng mga sugat sa ulo, leeg, at mata ang performer. Lumabas rin sa social media ang mga larawan ng kanyang mukha na may pasa at galos.

Dagdag pa ni Masha, pinilit umano siya ng kanyang employer na bumalik sa tubig sa kabila ng kanyang dinaranas na sakit. Sinabihan din siyang huwag ipakalat ang footage ng insidente, ngunit mabilis itong nag-viral sa Douyin, ang Chinese version ng TikTok.

Sa kabila ng matinding pinsalang natamo, tinanggap lamang umano ni Masha ang halos $100 na kompensasyon mula sa kanyang employer.

Read also

Regine, nilinaw ang paglublob umano sa kanya sa drum ng kanyang ama

Hindi malinaw kung anong uri ng isda ang umatake sa kanya, ngunit ayon sa ulat, ang freshwater aquarium ay tahanan ng mga katutubong isda mula sa Mekong at Yangtze Rivers.

Source: KAMI.com.gh