Vilma Santos-Recto sinagot si Senyora: "...pwede ba namin makausap yang mister n’yo?"

• Sinagot ni Vilma Santos-Recto ang request ni 'Senyora' sa isa niyang Facebook post
• Aniya, "Madam Vilma Santos-Recto pwede ba namin makausap yang mister n’yo? May sasabihin lang kami"
• Nag-comment naman si Batangas Governor "Ate V" sa pahayag na ito ni Senyora
• Sagot niya, "Ok lang naman Senyora basta huwag lang tungkol sa FAKE NEWS"

Sinagot ni Vilma Santos-Recto ang request ni 'Senyora' sa isa sa kanyang Facebook post.

Aniya, "Madam Vilma Santos-Recto pwede ba namin makausap yang mister n’yo? May sasabihin lang kami."

Nagbigay naman ng komento si Batangas Governor "Ate V" sa pahayag na ito ni Senyora. Sagot niya, "Ok lang naman Senyora basta huwag lang tungkol sa FAKE NEWS."

Kung inyong napansin nitong mga nagdaan na araw, may kumalat na balita na lalagyan na rin daw ng 20% TAX ang savings sa banko.

Kalakip ng balitang ito ay ang larawan ni Finance Secretary Ralph Recto, ang mister ni Batangas Governor Vilma Santos-Recto.

Sa ngayon, wala pang lumalabas na balita na totoo nga ito.

Si Ralph Recto ay isang beteranong pulitiko sa Pilipinas at kasalukuyang Kalihim ng Department of Finance sa ilalim ni Pangulong Bongbong Marcos Jr. Dati siyang senador kung saan naging Senate President Pro Tempore at Minority Leader.

Nagsimula siya bilang kinatawan ng Batangas at minsan ring naging pinuno ng NEDA. Kilala siya sa pagsusulong ng mga batas para sa ekonomiya at kabuhayan.

Siya rin ang asawa ng aktres at dating Batangas Governor na si Vilma Santos.

Tignan ang post ni Senyora dito:

Si Senyora ay isang kilalang online personality sa Pilipinas na sumikat dahil sa kanyang mga witty, sarcastic, at madalas nakakatawang posts sa social media, lalo na sa Facebook at Twitter. Ginagamit niya ang isang kathang-isip na karakter — kadalasang inilalarawan bilang isang mayamang, minsan maarte, at prangkang “tita” o “señora” — para magbigay ng komento sa mga trending na isyu, pop culture, at mga balita tungkol sa mga celebrity.

Sa nakalipas na report ng KAMI, nagbigay si Senyora ng isang payo kay aktres Kyline Alcantara — Ito ay kasabay ng isyu ng hiwalayan nila ng kanyang nobyong si Kobe Paras. Sa kanyang Facebook account, sinabi ng sikat na social media personality kay Alcantara na pumili na lamang ng susunod na kasintahan na “walang nanay.” Biro pa ni Senyora, mas mainam daw na pumili si Kyline ng taong ulila na.

Sa isa pang ulat, nagbitiw naman ng mga biro si Vice Ganda sa kanyang pagbati ng happy birthday kay “Senyora.” Sa Facebook post ni Senyora, ibinahagi niya ang video greeting ni Vice. Sabi ni Vice, “Sinong may birthday? Sinong Senyora? Yung walang (explicit)? Hay, eh anu naman kung birthday niya? Relevant ba 'yang si Senyora?" Dagdag pa niya, “Nagbe-birthday ka pa palang maldita ka ha. Happy happy birthday sa’yo! Sana mag-enjoy ka. Sana dumami pa ng dumami ang kaaway mo sa buong mundo. Sana dumami pa ang mga nabubuwisit mo at binibuwisit ka. Sana patuloy na mamuo ang poot sa puso mo. Charot! Happy happy birthday Senyora! God bless you! Mwah.”

Source: KAMI.com.gh