JV Ejercito, nagsalita sa viral road rage isyu: “We should never tolerate this kind of behavior”

-Naglabas ng pahayag si Sen. JV Ejercito tungkol sa isyu ng viral road rage video kung saan sangkot ang lady motovlogger na si Yanna

-Nilinaw ni Ejercito na hindi siya kasama sa naturang ride at ipinasa na niya ang video sa DOTR para sa kaukulang aksyon

-Nanawagan siya sa LTO na disiplinahin ang mga motorista o rider na hindi marunong rumespeto sa daan

-Binigyang-diin niya na walang puwang ang pagiging bully sa kalsada at dapat maging aral ito sa lahat ng riders

Nagbigay ng matapang na pahayag si Senador JV Ejercito ukol sa kontrobersyal na road rage incident kung saan sangkot ang lady motovlogger na si Yanna. Ayon sa senador, agad niyang ipinadala ang viral video ng insidente kay Department of Transportation Secretary Vince Dizon para sa karampatang aksyon.

Binigyang-diin ni Ejercito na bagama’t humingi ng paumanhin si Yanna sa publiko, dapat pa ring magkaroon ng aksyon mula sa mga awtoridad kagaya ng LTO para maturuan ang mga motorista ng disiplina sa lansangan. “We should never tolerate this kind of behavior,” ani Ejercito, kasabay ng panawagan ng respeto para sa mga lokal na lugar na dinadaanan ng riders.

Read also

Anak ni Anson Que, cleared na ng PNP: “Walang direktang ebidensya”

Nilinaw din ni JV na hindi siya kasama sa nasabing grupo ng ride nang mangyari ang insidente, sa kabila ng spekulasyon online. “In my many years of riding, the riding community knows I have no record of being a bully on the road,” dagdag niya. Binanggit din niyang wala tayong mapapala sa pagiging agresibo sa daan at ang pangyayaring ito ay dapat magsilbing leksyon hindi lang kay Yanna, kundi sa buong motorcycle community. Bilang isang matagal nang motorcycle enthusiast, pinayuhan ni Ejercito ang mga kapwa rider na maging responsable at mapagpakumbaba habang nasa kalsada.

Si Joseph Victor “JV” Ejercito ay isang senador ng Pilipinas at kilala rin bilang anak ng dating Pangulo at dating mayor ng Maynila na si Joseph Estrada. Maliban sa kanyang karera sa politika, kilala si JV sa kanyang aktibong lifestyle bilang isang motorcycle enthusiast at tagasuporta ng road safety. Kilala rin siya sa mga adbokasiyang nakatuon sa imprastruktura, kalusugan, at karapatang pantao. Sa kanyang mga social media post, madalas niyang ibahagi ang kanyang rides at mga opinyon tungkol sa mga isyung kinahaharap ng riding community.

Read also

Mariel Rodriguez, dedma na sa bashers ni Robin Padilla dahil aniya ay alam nya ang totoo

Sa isang nakakatuwang Instagram post, ipinakita ni JV Ejercito ang pagkakapatid nila ni Jake Ejercito habang magkasama sa isang simpleng bonding moment — “kapet-gatas” session. Nag-viral ang larawan dahil bihira silang makita na magkasama, lalo pa’t kilala si Jake bilang anak ni Erap sa ibang ina. Pinuri ng netizens ang pagiging bukas at cool ni JV sa kanilang samahan bilang magkapatid.

“JV Ejercito, nilinaw na hindi kasama si Yanna sa viral road rage ride” Sa harap ng kontrobersiyang dulot ng viral road rage video, nilinaw ni JV Ejercito na hindi niya kasama si Yanna sa kanilang ride sa Bicol kamakailan. Ayon sa kanya, hiwalay ang grupo ni Yanna at hindi ito bahagi ng kanilang official ride. Ipinaliwanag din niya na hindi niya kinukunsinti ang anumang uri ng agresibong asal sa kalsada.

Source: KAMI.com.gh