Pekeng dentista na ginamitan umano ng superglue ang ngipin ng isang pasyente, arestado

• Isang babae sa Florida ang inaresto dahil sa paggamit ng superglue sa pagdikit ng veneer sa ngipin
• Nakilala ang suspek bilang si Emely Martinez, 35 anyos, na walang lisensya at training
• Ilang pasyente nagkaroon ng impeksyon at kinailangang sumailalim sa emergency surgery
• Ayon sa pulisya, may ilan pa siyang kaso gaya ng pagbunot ng ngipin at pagtuturok sa bata ang iniimbestigahan pa

Inaresto ang isang babae sa Florida matapos gumamit ng superglue sa pagdikit ng veneer sa ngipin ng mga pasyente.

Nakilala siya bilang si Emely Martinez, 35 anyos, na nagpakilalang veneer technician kahit wala siyang lisensya o training.

Ayon sa ulat, nag-aalok siya ng full-mouth veneer treatment sa halagang $2,500 o mahigit P140,000.

Ipinapangako niyang tatagal ito ng lima hanggang pitong taon. Mas mura ito kumpara sa totoong veneer na nagkakahalaga ng $900 hanggang $1,500 kada ngipin.

Nangyayari ang mga transaksyon sa isang beauty bar sa Pinellas Park.

Read also

Fire trucks, naparesponde sa pekeng sunog; fire volunteers nagbabala laban sa fake reports

Ngunit matapos ang ilang linggo, lumapit ang mga biktima sa pulisya dahil nakaranas sila ng matinding sakit, impeksyon, at komplikasyon.

Dalawa ang agad na nagreklamo noong Hunyo at Hulyo.

Ayon kay Sgt. Windy Vater ng Pinellas Park Police Department, walang karapatan si Martinez na magsagawa ng ganitong klaseng dental procedure.

Dagdag niya, ilang biktima ang gumastos ng libo-libong dolyar para ayusin muli ang kanilang ngipin matapos ang pinsala.

Nasa imbestigasyon din kung may ginawa siyang iba pang dental work tulad ng bunot ng ngipin at pagtuturok kahit sa mga bata.

Noong 2024, nagbabala rin ang American Dental Association laban sa tinatawag na veneer techs, na maaaring magdulot ng permanenteng pinsala kapag ginawa nang walang lisensyadong dentista.

Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.

Ang mga balita, larawan, o video na nakakaantig ng interes ng mga netizen ay madalas nagiging viral sa social media dahil sa atensyon na ibinibigay ng publiko. Ang ganitong mga post ay kadalasang tumatama sa emosyon ng mga netizen, at sa ilang pagkakataon, maaari rin itong mangyari sa mga karaniwang tao, na mas nagiging relatable sa marami.

Read also

Lalaki, patay matapos barilin ng half-brother gamit ang high-powered firearm sa Cagayan de Oro

Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.

Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.

Source: KAMI.com.gh