Pulis na vlogger, sinampahan ng kasong inciting to sedition at paglabag sa Cybercrime Law ng QCPD

- Sinampahan ng Quezon City Police District ng kasong inciting to sedition si Patrolman Francis Steve Fontillas dahil sa kanyang mga kontrobersyal na post sa social media laban sa ICC at sa pag-aresto kay dating Pangulong Rodrigo Duterte

- Pinuna ng QCPD ang paglabag ni Fontillas sa patakaran ng PNP na nagbabawal sa kanilang mga tauhan na magpahayag ng politikal na opinyon sa social media

- Ipinagtanggol naman ni Fontillas ang kanyang sarili sa pamamagitan ng pag-post ng kanyang pirmadong leave of absence na umano'y aprubado mula March 6 hanggang March 19

- Patuloy na ipinapahayag ni Fontillas na hindi inciting to sedition ang kanyang ginawa kundi bahagi lamang ng kanyang karapatan sa ilalim ng freedom of expression

Sinampahan ng Quezon City Police District – Criminal Investigation and Detection Unit (QCPD-CIDU) ng kasong Inciting to Sedition si Patrolman Francis Steve Fontillas, matapos lumabag sa Article 142 ng Revised Penal Code na may kaugnayan sa Republic Act No. 10175 o Cybercrime Prevention Act.

Read also

Nadine Lustre, umalma sa bastos na komento ng basher

Nag-ugat ang kaso sa mga kontrobersyal na post ni Fontillas sa social media kung saan ipinahayag nito ang matinding pagtutol sa posibilidad ng pag-aresto kay dating Pangulong Rodrigo Duterte ng International Criminal Court (ICC). Kilalang tagasuporta si Fontillas ni Duterte at ginamit niya ang kanyang social media platform upang ipahayag ang kanyang saloobin laban sa ICC.

Ayon sa pahayag ng QCPD nitong Lunes, March 17, sa kanilang Facebook page:

“PNP (Philippine National Police) officers shall remain apolitical and non-partisan at all times and we must refrain from posting unauthorized and biased contents in social media and other communication platforms.”

Dagdag pa ng QCPD, lumabag si Fontillas sa patakaran ng PNP na nagbabawal sa kanilang mga tauhan na magpahayag ng opinyong politikal sa publiko.

Bago pa masampahan ng kaso, napag-alaman ng QCPD na si Fontillas ay Absent Without Official Leave (AWOL) simula pa noong March 6. Gayunman, iginiit ni Fontillas sa isa sa kanyang mga post na siya’y nag-file ng leave mula March 6 hanggang March 19 na aprubado at pirmado umano ng Chief Admin ng QCPD.

Read also

Harry Roque, alam na umano kung sino ang nagkanulo kay FPRRD

Ipinost din ni Fontillas ang kopya ng kanyang leave of absence upang patunayan ang kanyang pahayag at pinabulaanan ang akusasyon ng QCPD na siya ay AWOL.

Sa loob ng walong oras matapos masampahan ng kaso, anim na bagong post ang inilabas ni Fontillas sa kanyang Facebook page. Kabilang dito ang mga pahayag na may kaugnayan sa hinaing niya laban sa PNP at sa gobyerno.

Isa sa mga post niya ay nagsasaad ng hamon sa PNP at sa iba pang awtoridad na kasuhan siya. Aniya:

“Kasuhan niyo ako, at kung maipakukulong niyo ako, mamimigay pa ako ng reward! Wala kayong makapagpapabagsak sa akin!”

Bukod dito, pinaninindigan din ni Fontillas na hindi inciting to sedition ang kanyang ginawa, kundi isa lamang itong pagpapahayag ng kanyang prinsipyo na ayon sa kanya ay protektado ng freedom of expression.

Nanindigan naman ang QCPD na tama at naaayon sa batas ang pagsasampa ng kaso laban kay Fontillas. Anila, malinaw ang paglabag nito sa kanilang mga panuntunan at sa umiiral na batas kaugnay ng paggamit ng social media ng mga opisyal ng PNP.

Read also

Kim Chiu, sumagot matapos humingi ng dispensa ng isang netizen sa kanya

Habang patuloy na pinag-aaralan ng mga awtoridad ang mga karagdagang hakbang laban kay Fontillas, umani ng iba’t ibang reaksyon sa publiko ang kanyang mga post at ang aksyon ng QCPD. Patuloy na nakaabang ang publiko sa magiging resulta ng kasong ito.

Sa panahon ng makabagong teknolohiya, mas mabilis na ngayon ang pagbabalita at pagresolba ng mga krimen dahil sa social media at iba pang digital tools. Ang mga CCTV, livestreaming, at mobile recordings ay nagbibigay ng agarang ebidensya na madaling maibahagi sa publiko at sa awtoridad. Dahil dito, mas mabilis natutukoy ang mga suspek at napapabilis ang imbestigasyon ng mga pulis. Sa tulong ng social media, ang mga balita tungkol sa krimen ay agad na kumakalat, na nagiging daan upang mas maraming tao ang makatulong sa paghahanap ng hustisya.

Sa ibang ulat, isang guwardiya ang nakipagbarilan sa limang magnanakaw na nanloob sa isang tindahan ng prutas sa Barangay San Isidro, Makati City, na nagresulta sa pagkamatay ng lider ng mga suspek. Ayon sa ulat, naganap ang insidente madaling araw ng Miyerkules, kung saan mapapanood sa CCTV ang mga suspek na tila may kontrol sa lugar bago maganap ang barilan.

Read also

Arnold Clavio, ibinahagi ang loob ng detention facility na titirhan ni FPRRD sa The Hague

Viral ang kwento ni Augusto Virgo kung saan bago siya nakilala sa kanyang lako, dati siyang snatcher at holdaper. 2014 pa nang siya ay magsimulang magtinda ng hotdog sandwich subalit kamakailan lamang siya nag-viral.

Source: KAMI.com.gh