Mommy D, sinorpresa ng kanyang partner sa kanilang 11th anniversary

- Sinorpresa ni Mike Yamson si Mommy Dionisia Pacquiao sa kanilang ika-11 anibersaryo ng kanilang relasyon sa pamamagitan ng bulaklak, stuffed toy, at isang cart na magagamit nila sa kanilang village

- Ibinahagi ni Mike sa social media ang isang short Reel ng kanyang surpresa kaya marami ang napa-"sana all" sa kanilang matibay na pagmamahalan

- Maraming netizens ang bumati sa kanilang anibersaryo ngunit hindi rin nawala ang mga bashers na nagbigay ng negatibong komento tungkol kay Mike

- Sinagot ni Mike ang isang basher na nagsabing umaasa lang siya sa iba at iginiit na may trabaho siya sa kabila ng mga panghuhusga

Masaya at puno ng kilig ang naging selebrasyon ng ika-11 anibersaryo ng relasyon nina Mommy Dionisia Pacquiao at ng kanyang longtime partner na si Mike Yamson. Maraming netizens ang napa-"sana all" matapos makita ang surprise gift ni Mike para kay Mommy D, kung saan binigyan niya ito ng bouquet ng bulaklak, stuffed toy, at isang cart na kanilang magagamit kapag naglilibot sa loob ng kanilang village.

Read also

Jeraldine Blackman, umalma sa espikulasyong 'for content' lang ang paghihiwalay nila ng asawa

Sa kabila ng 27-taong agwat sa edad—75 si Mommy Dionisia at 48 si Mike—hindi ito naging hadlang sa kanilang pagmamahalan. Patuloy nilang pinapatunayan na hindi sukatan ang edad sa isang matibay na relasyon. Noong Pebrero 20, 2025, ipinagdiwang nila ang kanilang anibersaryo, at ibinahagi ni Mike sa social media ang isang short Reel kung saan makikita ang kanyang sorpresa para kay Mommy D.

Dahil dito, maraming netizens ang nagpaabot ng pagbati sa magkasintahan, ngunit hindi rin naiwasan ang mga negatibong komento. Isang basher ang nagsabing, “11 years ka nang umaasa, magtrabaho ka.” Hindi naman ito pinalampas ni Mike at agad na sinagot ang pambabatikos, iginiit niyang may trabaho siya at hindi lang basta umaasa sa iba.

Matatandaang noong 2014, ibinunyag ni Mommy Dionisia na may boyfriend na siya, kasabay ng kanyang engrandeng selebrasyon sa ika-65 niyang kaarawan. Mula noon hanggang ngayon, patuloy silang nagmamahalan at hindi nagpapadala sa panghuhusga ng iba. Para kay Mommy D, mahalaga ang tunay na pag-ibig, hindi lamang ang matatamis na salita kundi ang katapatan sa isa’t isa.

Read also

Moira Dela Torre, muntik nang tamaan ng bottled water sa isang mall show

Si Dionisia Pacquiao, o mas kilala bilang Mommy D, ay ang ina ng legendary Filipino boxer at dating senador na si Manny Pacquiao. Siya ay ipinanganak noong May 15, 1949 at naging kilala sa kanyang masayahing personalidad, pagiging palabiro, at pagmamahal sa sayaw at pag-awit.

Bukod sa pagiging ina ng isa sa pinakamatagumpay na boksingero sa kasaysayan, sumikat din si Mommy D sa showbiz at social media dahil sa kanyang kwelang mga pahayag, mahahabang dasal tuwing laban ni Manny, at bonggang lifestyle. Madalas siyang lumalabas sa mga programa sa telebisyon at naging bahagi rin ng ilang commercials.

Matatandaang ibinida ni Manny Pacquiao sa netizens ang post niya na larawan kasama ang kanyang ina, si Mommy Dionisia Pacquiao. Ipinagdiwang ni Mommy D ang kanyang ika-73 kaarawan nang bongga kasama ang kanyang sikat na anak at ang asawa nitong si Jinkee Pacquiao. Dumalo rin sa espesyal na selebrasyon ang bunsong anak nina Manny at Jinkee na si Israel Pacquiao. Ibinahagi ni Jinkee sa social media ang ilang larawan mula sa party at ipinahayag ang kanyang pagmamahal para sa kanyang biyenan.

Read also

Alden Richards, nagbahagi ng 'food for thought': "Mind your own business"

Sa gitna ng mga usap-usapang bumabalot sa pamilya ng two-time Olympic gold medalist na si Carlos Yulo, nagbigay ng payo si Mommy Dionisia Pacquiao, ang ina ng boxing legend na si Manny Pacquiao. Sa isang video message, pinayuhan ni Mommy D si Yulo na ipakita ang pagmamahal at paggalang sa kanyang ina, lalo na sa kabila ng mga kontrobersiyang kinakaharap nito.

Source: KAMI.com.gh