Sampaguita girl, Ipapatawag ng Philippine National Police Civil Security Group

• Ipinatawag ng PNP-CSG ang sampaguita vendor na nasa viral video matapos siyang sapilitang paalisin ng security guard sa mall
• Bahagi ito ng paunang pagsusuri upang alamin kung may sapat na dahilan para sampahan ng kasong administratibo ang security guard
• Ang security guard at ang kanyang ahensya ay dumalo sa clarificatory meeting at nangakong magsusumite ng affidavit bago ang itinakdang tatlong araw na deadline
• Posibleng maharap sa parusa ang security guard, kabilang ang suspensyon ng lisensya at multa ng security agency, batay sa Republic Act No. 11917

Ipapatawag ng Philippine National Police Civil Security Group (PNP-CSG) ang isang sampaguita vendor na tampok sa viral video kung saan siya ay sapilitang pinaalis ng isang security guard mula sa isang mall. Ayon kay Lt. Col. Eudisan Gultiano, tagapagsalita ng PNP-CSG, ang hakbang na ito ay bahagi ng paunang pagsusuri kung may sapat na dahilan upang magsampa ng kasong administratibo laban sa security guard.

Read also

Lola, natagpuang patay at hubo’t hubad sa loob ng musoleo sa Sorsogon

Ayon sa ulat ng ABS-CBN News, ipapadala ng evaluator ng kaso ang abiso sa vendor upang siya’y imbitahan na magbigay ng pahayag sa Supervisory Office for Security and Investigation Agencies (SOSIA). Layunin nito na alamin kung naaayon sa tamang pamantayan ang naging kilos ng security guard sa pagtupad ng kanyang tungkulin.

"Tinitingnan po natin dito ay kung nagampanan ng security guard nang maayos at tama ang kanyang duty sa pagtupad ng kanyang tungkulin bilang isang security guard," ani Gultiano.

Samantala, dumalo na sa isang “clarificatory meeting” ang security guard at mga kinatawan ng kanyang ahensya noong Lunes. Nangako ang guard na magsusumite ng affidavit bago o sa Huwebes, alinsunod sa itinakdang tatlong araw na deadline.

Kapag hindi nakadalo ang vendor sa pagdinig, ipagpapatuloy ang preliminary evaluation base sa salaysay ng security guard makalipas ang pitong araw mula sa pagsusumite ng affidavit.

Binanggit din ni Gultiano na maaaring managot ang security guard para sa paglabag sa Republic Act No. 11917 o ang Private Security Services Industry Act. Ang mga posibleng parusa ay ang pagsuspinde ng lisensya ng guard at multa para sa security agency.

Read also

Nagpakilalang security guard sa viral video kasama ang Sampaguita vendor, nagpaliwanag

‘Yon kasi ang nakalagay sa batas natin, sa RA 11917, na at all times, ang ating mga security guard ay dapat maging courteous and respectful in the performance of their duty,"Batay sa RA 11917, ang ating mga security guard ay kailangang maging magalang at magpakita ng respeto sa kanilang tungkulin,” dagdag pa ni Gultiano.

Matatandaang lumikha ng ingay ang video ng binansagang 'Sampaguita girl' matapos siyang paalisin ng security guard sa harap ng isang mall.

Matatandaang agad na naglabas ng opisyal na pahayag ang SM Megamall matapos na umani ng kabi-kabilang reaksyon ang viral video kung saan makikita ang umano'y pagpapalayas ng isang security guard sa batang babae na 'di umano'y naglalako ng Sampaguita.

Nagbigay ng opinyon si Xian Gaza sa isang viral video sa Facebook kung saan makikita ang isang batang nakasuot pa ng uniporme habang nagtitinda ng Sampaguita na pinaalis ng isang security guard sa isang SM establishment.

Source: KAMI.com.gh