Southern Police District, ipinaliwanag bakit kasama sa Top 10 Most Wanted si Neri Naig

- Ipinaliwanag ng Southern Police District paano nakasama si Neri Naig- Miranda sa Top 10 Most Wanted

- Ito ay matapos na gumulantang sa publiko ang pagkakaaresto umano sa kanya noong Nobyembre 23

- Hawak pa rin ng pulisya si Neri na inaasahang magpapasko at magba-bagong taon sa piitan

- Sa pinakahuling ulat ukol kay Neri, dinala ito sa ospital ayon sa BJMP spokesperson

Inihayag ni P/Maj. Hazel Asilo, Chief ng Public Information Office ng Southern Police District (SPD), ang dahilan kung bakit nakasama si Neri Naig sa listahan ng mga Top 10 Most Wanted ng kanilang distrito.

Ayon sa panayam ng At the Forefront ng Bilyonaryo News kay P/Maj. Asilo, ang pangunahing dahilan sa pagkakasama ni Naig sa listahan ay ang bilang ng mga kasong isinampa laban sa kanya, partikular na ang 14 counts ng paglabag sa Section 28 ng Republic Act 7991 at ang kasong syndicated estafa.

Read also

Isa pang di pinangalanang aktres na endorser kagaya ni Neri, kinasuhan din

Ipinaliwanag niya na ang mga suspek sa mga ganitong kaso ay binibigyan ng espesyal na atensyon batay sa dami ng kanilang mga kaso at ang posibleng epekto nito sa mga biktima.

"It's the number of counts of her case kasi 14 counts po yung kanyang case. 14 counts of violation of section 28 of RA 799 as well as yung syndicated estafa. Nagbi-base po kasi kami sa number of counts... Ganoon din po sa bail na kailangan nilang i-comply para makalaya po sila. May mga kino-consider kaming mga parameters para malagay sa top most wanted."

Binanggit din ni Asilo ang iba pang uri ng kaso ng mga nasa top 10 most wanted bukod sa syndicated estafa na siyang kaso ni Neri.

Samantala, sa pinakahuling update, sinabing nasa ospital ngayon si Neri para sa medical evaluation na isasagawa sa kanya.

Si Neri Naig Miranda o Nerizza Garcia Presnede Naig-Miranda sa tunay na buhay ay isang aktres na unang nakilala nang mapasali siya sa reality show ng ABS-CBN na Star Circle Quest. Tinanghal siyang 6th runner-up sa naturang talent search. Taong 2014 nang ikasal sila ng bokalista ng bandang Parokya ni Edgar na si Chito Miranda.

Read also

Investment ng mga nagkaso kay Neri, umabot sa P89 M ayon sa abogado nila

Samantala sa pinakahuling post ni Neri, binati pa nito ang panganay na anak nila ni Chito na nagdiwang ng kaarawan nito isang araw bago ang petsa ng sinasabing pagkaaresto 'di umano sa kanya.

Matatandaang unang naiulat ni Ogie Diaz ang nakarating sa kanyang balita na inaresto umano si Neri na makalipas lamang ng ilang araw ay kinumpirma na rin ng pulisya. Naglabas na rin ng pahayag ang mister nitong si Chito Miranda ukol sa sitwasyon ng kanyang misis.

Source: KAMI.com.gh