Carlos Yulo, nagbahagi ng pictures kasunod ng nag-viral na 'crop top' outfit nya

- Hot topic si Carlos Yulo hindi lamang bilang isang atleta kundi pati na rin sa kanyang natatanging fashion sense

- Naging usap-usapan ang suot niyang cropped shirt sa isang biyahe sa South Korea kasama ang kasintahang si Chloe San Jose

- Maraming netizen ang humanga sa kanyang pagiging nonconformist sa pananamit

- Pareho silang mahilig sa fashion at luxury brands ng kanyang kasintahan na si Chloe

Si Carlos Yulo, na kilala bilang "Golden Boy" ng Pilipinas, ay unti-unting nagiging usap-usapan hindi lamang dahil sa kanyang galing sa larangan ng gymnastics kundi pati na rin sa kanyang kakaibang fashion sense.

Sa kanyang mga post sa Instagram, napansin ng mga netizen ang pagkahilig ni Carlos sa mga modernong kasuotan, kabilang na ang kanyang mga outfit sa biyahe nila sa South Korea kasama ang kanyang kasintahang si Chloe San Jose, isang content creator.

Read also

Robi Domingo, emosyonal na binahagi ang kanyang hiling sa kaarawan

Isa sa mga pinag-usapang outfit ni Carlos ay ang kanyang suot na cropped shirt na nakapukaw ng atensyon ng online community. Marami ang nagbigay ng kani-kanilang opinyon ukol dito, ngunit karamihan ay sumusuporta sa kakaibang estilo ni Carlos. Napuno ang comment section ng mga papuri mula sa kanyang mga followers na humanga sa kanyang pagiging hindi tradisyonal sa pananamit.

Sa kanyang Instagram account ay nagbahagi siya ng kanyang solo pics kasunod ng nag-viral niyang picture kasama si Chloe suot ang kanyang cropped shirt.

Hindi lamang si Carlos ang may hilig sa fashion, kundi pati na rin ang kanyang kasintahang si Chloe. Ayon sa ilang tagasubaybay, pareho nilang sinusuportahan ang kani-kanilang mga istilo, kaya’t lagi silang nagiging patok sa mata ng publiko kapag magkasama. Malinaw na ang "Golden Boy" ng Pilipinas ay hindi lamang magaling sa pagbuo ng mga panalong performance sa gym, kundi pati na rin sa pagbuo ng mga makabagong fashion ensemble para sa anumang okasyon.

Read also

Carla Abellana, nasa perimenopausal stage na sa edad niyang 37

Si Carlos Edriel Yulo ay isang tanyag na gymnast mula sa Pilipinas na nagningning sa mga kumpetisyon sa gymnastics, partikular sa floor exercise at vault. Mula pagkabata, nagsimula na siyang magsanay, at nabigyan siya ng pagkakataong mag-aral at mag-ensayo sa Japan, kung saan lalo pang pinahusay ang kanyang mga kakayahan. Noong 2019, siya ang kauna-unahang Pilipino na nakasungkit ng gintong medalya sa World Artistic Gymnastics Championships.

Ngayong 2024 Paris Olympics, si Yulo rin ang naging unang lalaking atleta at gymnast na mula sa Pilipinas na nag-uwi ng dalawang gintong medalya. Samantala, ibinunyag ng ina ni Carlos Yulo na si Angelica Poquiz Yulo ang kanilang samaan ng loob ay dahil sa daw kasintahan ng anak na si Chloe San Jose.

Sa gitna ng mgaakusasyon ay espikulasyon na siya ang ugat ng tensyon sa pagitan ni Carlos at ng kanyang pamilya, nanatiling matatag si Chloe San Jose. Sa comment section ng post niya, tinanong pa niya kung bakit nawala ang video ng panayam sa ina ni Carlos at humiling siya ng kopya para daw sa kanyang reference.

Source: KAMI.com.gh