DJ Kara, umalma sa umano'y paggamit kay Lloyd Cadena sa content ng Love Radio

- Umalma si DJ Kara sa paggamit ng Love Radio sa yumaong vlogger na si Lloyd Cadena sa kanilang content

- Sinabi ni DJ Kara na hindi nararapat gamitin ang pangalan ng mga pumanaw na bilang bahagi ng mga pagpipilian sa isang segment

- Hinimok ni DJ Kara ang Love Radio na huwag magpasimula ng gulo at maging mabait sa lahat

- Ang pahayag ni DJ Kara ay nagdulot ng maraming reaksyon mula sa kanyang mga tagasunod at mga tagahanga ni Lloyd Cadena

Nagpahayag ng kanyang pagkadismaya si DJ Kara sa paggamit ng Love Radio sa yumaong vlogger na si Lloyd Cadena sa kanilang content. Ayon kay DJ Kara, hindi nararapat na gamitin ang pangalan ng mga pumanaw na bilang bahagi ng content.

Sinabi ni DJ Kara na ipinagtatanggol niya si Lloyd dahil hindi na nito kayang ipagtanggol ang sarili. Aniya, insensitive ang ginawa ng Love Radio at binanggit pa na sila ay ginawang mga pagpipilian bilang mga "suspects sa mga 'hindi nagsasabi ng totoo'" kung saan kasama pa si Lloyd.

Read also

Aubrey Miles, binalaan ang scammer na gumamit ng pangalan niya

Dagdag pa ni DJ Kara, ilang taon na ang nakalipas mula nang pumanaw si Lloyd, ngunit ngayon lamang gumawa ng ganitong content ang istasyon. Hinimok niya ang Love Radio na huwag magpasimula ng gulo at maging mabait sa lahat.

Ang pahayag ni DJ Kara ay nagdulot ng maraming reaksyon mula sa kanyang mga tagasunod at mga tagahanga ni Lloyd Cadena, na nagpakita pagkadismaya sa ginawa ng Love Radio. Matatandaang si Lloyd Cadena ay pumanaw noong Setyembre 2020, at hanggang ngayon ay minamahal at inaalala pa rin ng marami ang kanyang kontribusyon sa social media community.

Sa kasalukuyan ay burado na ang naturang post.

Si DJ Kara ay isang kilalang radio DJ at personalidad. Sikat siya dahil sa kanyang masayang personalidad, makulay na hosting style, at pagiging aktibo sa social media. Napapakinggan siya sa Energy FM, kung saan nagbibigay siya ng mga payo, nagpapatawa, at nakikipag-ugnayan sa mga tagapakinig. Kilala rin si DJ Kara sa kanyang mga viral videos at content sa social media platforms tulad ng YouTube at Facebook.

Read also

Ruru Madrid, natawa matapos sabihin ng isang lolo kung sino ang hinahangaan niya

Hindi napigilan ni DJ Kara ang umiyak habang pinag-uusapan ang kanyang lola sa social media. Sa kanyang opisyal na Facebook page, humingi ng tulong si DJ Kara sa kanyang mga manonood kung ano ang dapat gawin upang mabisita niya ang kanyang lola.

Ayon kay DJ Kara, ang kanyang lola ay tinagurian bilang isang COVID patient sa ospital kahit nagnegatibo naman sa virus. Ikinabahala ito ni Kara dahil ang kanyang lola ay nasa matinding sakit kaya gusto niyang mabisita ito ng personal.

Source: KAMI.com.gh