Babaeng nagpapatubo ng endangered na agarwood sa kanyang bakuran, huli ng NBI sa Cebu

• Naaresto ng mga operatiba ng National Bureau of Investigation (NBI) ang isang babae sa San Fernando, Cebu matapos itong mahuling nagpaparami at nagbebenta ng endangered na agarwood seedlings
• Narekober sa bakuran ng suspek ang halos isang libong seedlings ng agarwood, o mas kilala sa lokal na tawag na lapnisan, na ibinebenta umano nito sa internet nang walang pahintulot
• Ayon sa NBI, ang resin mula sa agarwood ay itinuturing na mas mahal pa sa ginto dahil sa taas ng demand nito sa paggawa ng mamahaling pabango sa ibang bansa
• Nahaharap ang suspek sa kasong paglabag sa Wildlife Resources Conservation Act dahil sa pagpaparami ng naturang critically endangered species nang walang permit mula sa DENR

Sa isang sorpresang operasyon sa Barangay Sangat, San Fernando, Cebu, nalambat ng National Bureau of Investigation (NBI) ang isang babae na iligal umanong nagpaparami ng agarwood. Ang agarwood, na kilala rin sa tawag na lapnisan, ay itinuturing na critically endangered at mahigpit na binabantayan ng gobyerno. Nadiskubre ng mga awtoridad ang halos isang libong seedlings ng naturang halaman na itinatago at pinalalago lamang sa bakuran ng suspek.

Read also

raduating student, natagpuang patay sa loob ng inuupahang kwarto sa Cagayan de Oro City

Ginamit ng suspek ang social media upang ibenta online ang mga seedling, bagay na agad na nakatawag ng pansin ng mga awtoridad. Ayon kay Arnel Pura, supervising agent ng NBI Cebu District Office, ito ang unang pagkakataon na nakapagsagawa sila ng operasyon laban sa ilegal na kalakalan ng lapnisan. “Caught in the act of selling and dispensing agarwood, first time law enforcement operation was conducted about agarwood locally known as lapnisan,” ani Pura.

Ipinaliwanag ni Bienvenido Panican, executive officer for operations ng NBI-CEBDO, kung bakit labis na nakakaakit ang pagpaparami ng halamang ito. Ayon sa kanya, ang resin na nakukuha sa agarwood ay ginagamit sa paggawa ng high-end na mga pabango. “Very lucrative nito, mahal yung resin na galing sa agarwood, costs about 100,000 dollars, about 5M per kilo. More valuable than gold – gamit [sa] perfumery, gawaan ng perfume,” paglilinaw ni Panican. Dahil sa presyo nito sa pandaigdigang merkado, marami ang sumusubok na mag-alaga nito kahit walang kaukulang lisensya.

Read also

Kris Lawrence, nagbigay ng detalye tungkol sa insidente ng pagnanakaw sa kanyang cp noong 2006

Aminado naman ang suspek, na nakiusap na huwag nang pangalanan, na wala siyang hawak na permit mula sa Department of Environment and Natural Resources (DENR). Kwento niya, galing pa sa Basilan ang mga binhi at dumaan siya sa maraming pagsubok bago ito matagumpay na napatubo. “Dugay-dugay na pero karon ra jud ni-success og germinate. Kay lisod man gyud i-germinate kay usahay madawat nako nga binhi linghod pa. Ni-success siya’g turok gaplano ko mokuha ko’g permit,” paliwanag niya sa wikang Cebuano.

Sa ilalim ng Wildlife Resources Conservation Act, bawal ang pagpaparami at pagbebenta ng mga endangered species nang walang kaukulang dokumento mula sa pamahalaan. Ang agarwood ay nangangailangan ng espesyal na permit bago ito pwedeng itanim o ibenta upang masigurong hindi ito mauubos sa kagubatan. Sa kasalukuyan, inihahanda na ang mga kaukulang sakdal laban sa babae habang nasa kustodiya ng mga awtoridad ang mga nakumpiskang seedling.

Bukod sa mga halaman, mahigpit din ang pagbabantay ng mga awtoridad sa iba pang mga wild animals na ilegal na ibinebenta at ikinukulong.

Hinangaan ng maraming netizens ang isang lalaki matapos niyang bilhin ang lahat ng tinda ng isang bird vendor hindi para gawing pet, kundi para palayain ang mga ito sa kanilang natural na tirahan. Ayon sa lalaki, mas masarap makitang malaya ang mga ibon kaysa nakakulong sa loob ng maliit na hawla. Ang kanyang ginawa ay nagsilbing paalala sa marami na dapat pahalagahan ang kalayaan ng bawat nilalang sa mundo.

Read also

Jojo Mendrez, nagbigay ng payo kay Mark Herras matapos ang viral na pag-iyak ng aktor

Naudlot ang tangkang pagpuslit sa mga endangered na hornbills matapos marinig ng mga awtoridad ang ingay ng mga ibon sa loob ng isang sasakyan sa Sarangani. Agad na inaresto ang suspek na nagtangkang itago ang mga hayop upang ibenta sa ilegal na merkado. Ang mga nasagip na ibon ay dinala sa isang rescue center upang masuri ang kanilang kalusugan bago ibalik sa kagubatan. Basahin ang buong detalye rito:

Source: KAMI.com.gh