Dalawang Pinay OFW sa Hong Kong, mahigit 1 linggo nang nawawala matapos mag-hiking
- Dalawang Pinay domestic helpers sa Hong Kong ang nawawala matapos mag-hiking noong Oktubre 4
- Kinilala silang sina Imee Mahilum Pabuaya, 24, at Aleli Perez Tibay, 33, na huling nakita sa Lung Mun Country Trail sa Tsuen Wan
- Patuloy ang paghahanap ng mga awtoridad at humihingi ng tulong sa publiko para sa impormasyon
- Ayon sa pamilya, labis na silang nag-aalala at nananawagan sa mga nakakita na makipag-ugnayan agad
MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!
Source: Facebook
Mahigit isang linggo nang nawawala ang dalawang Pilipinang domestic helper sa Hong Kong matapos silang mag-hiking sa Lung Mun Country Trail sa Tsuen Wan.
Ayon sa ulat ng South China Morning Post, sina Imee Mahilum Pabuaya, 24, at Aleli Perez Tibay, 33, ay huling nakita sa lugar bandang alas-4:30 hanggang alas-5:00 ng hapon noong Oktubre 4.
Si Pabuaya ay tinatayang 5.1 feet ang taas, may katamtamang pangangatawan, at huling nakitang nakasuot ng dark blue na denim top, denim shorts, at puting sapatos.
Samantala, si Tibay ay payat, may parehong taas, at suot noon ang light blue long-sleeved top, light blue denim pants, at puting sapatos.
PAY ATTENTION: Follow us on Instagram - get the most important news directly in your favourite app!
Pinaniniwalaan ng pulisya na bumaba ang dalawa sa bundok sa mga ruta gaya ng Sam Dip Tam, ngunit wala pa ring nakakita sa kanila hanggang maiulat silang nawawala noong Oktubre 6 at 8.
Patuloy ang panawagan ng mga awtoridad sa publiko na ipagbigay-alam agad kung may impormasyon tungkol sa dalawa sa mga lugar ng Tsuen Wan, Tai Wo Hau, Lei Muk Shue, o Kwai Hing.
Sa Facebook post ni Irene, kapatid ni Pabuaya, humingi siya ng tulong sa mga tao na makipag-ugnayan agad kung may alam sa kinaroroonan ng dalawa.
Ayon sa kanya, labis na silang nag-aalala at umaasa na ligtas pa ang mga ito.
Ang Lung Mun Country Trail ay isang tanyag na hiking spot sa Hong Kong na may habang 4.7 miles at kilala sa tanawin nitong dinarayo ng mga hiker at turista.
Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.
Ang mga balita, larawan, o video na nakakaantig ng interes ng mga netizen ay madalas nagiging viral sa social media dahil sa atensyon na ibinibigay ng publiko. Ang ganitong mga post ay kadalasang tumatama sa emosyon ng mga netizen, at sa ilang pagkakataon, maaari rin itong mangyari sa mga karaniwang tao, na mas nagiging relatable sa marami.
Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.
Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
