Villanueva at Estrada, hindi pa abswelto ayon kay Lacson sa budget insertions issue
- Nilinaw ni Sen. Ping Lacson na hindi pa napapawalang-sala sina Sen. Joel Villanueva at Sen. Jinggoy Estrada
- Kaugnay ito sa umano’y anomalya sa flood control projects sa Bulacan na umabot sa ₱600M at ₱355M
- Si dating DPWH engineer Brice Hernandez ang naglantad ng mga pangalan ng mga sangkot sa proyekto
- Mariin namang itinanggi nina Estrada at Villanueva ang akusasyon sa pagdinig ng Senado
Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!
Nilinaw ni Senate Blue Ribbon Committee Chairman Panfilo “Ping” Lacson na hindi pa ligtas o abswelto sina Sen. Joel Villanueva at Sen. Jinggoy Estrada sa kontrobersiya ng umano’y maanomalyang flood control projects sa Bulacan.
Source: Facebook
Sa kanyang opisyal na X account na @iampinglacson, sinagot ng senador ang isang netizen na kumuwestiyon kung makakalusot daw ba ang dalawang senador sa isyu. Diretsahang pahayag ni Lacson: “By any measure, Senators Villanueva and Estrada have not been cleared, at least on the issue of budget insertions involving infrastructure projects in Bulacan worth ₱600M and ₱355M respectively, as alleged by Engr Brice Hernandez.”
Matatandaang sa pagdinig ng Kamara noong Setyembre 9, 2025, isinangkot ni dating Department of Public Works and Highways (DPWH) engineer Brice Hernandez sina Villanueva at Estrada. Ayon sa kanya, “Tama si Senador [Ping] Lacson, ang mga engineer ng DPWH ay tila naging legman o bagman na lang.” Dagdag pa niya, “Kung tatanungin n’yo kung sino o kanino kami naging bagman, sasagutin ko na po ngayon… Si Sen. Jinggoy Estrada, Sen. Joel Villanueva, Usec. Robert Bernardo at district engineer [Henry] Alcantara.”
Like and share our Facebook posts to support the KAMI team! Share your thoughts in the comments. We love reading them!
Base sa testimonya ni Hernandez, umabot umano sa ₱355 milyon ang napunta kay Estrada at ₱600 milyon naman kay Villanueva mula sa flood control projects, kung saan may 30% na “SOP” daw na naitalaga para sa kanila.
Gayunpaman, parehong itinanggi ng dalawang senador ang paratang laban sa kanila sa pagdinig ng Senado noong Setyembre 18. Mariin nilang iginiit na walang katotohanan ang mga akusasyong ibinato sa kanila at handa raw silang humarap sa anumang imbestigasyon para patunayan ang kanilang panig.
Sa gitna ng mainit na diskusyon sa publiko, nananatiling bantay ang Blue Ribbon Committee sa takbo ng isyu. Pinatunayan ng pahayag ni Lacson na hindi pa tapos ang imbestigasyon at wala pang pinal na desisyon kaugnay sa mga sangkot.
Si Panfilo “Ping” Lacson ay kilalang public servant na matagal nang naglingkod sa Senado at kilala sa kanyang matinding paninindigan laban sa korapsyon at maling paggamit ng pondo ng bayan. Naging hepe rin siya ng Philippine National Police bago pumasok sa pulitika. Sa kasalukuyan, pinamumunuan niya ang Senate Blue Ribbon Committee na siyang nagsisiyasat sa mga alegasyon ng katiwalian at anomalya sa gobyerno.
Samantala, si Jinggoy Estrada ay isang beteranong senador at anak ni dating Pangulong Joseph Estrada. Si Joel Villanueva naman ay kasalukuyang senador at dating TESDA Director-General. Pareho silang kabilang sa mga kilalang pangalan sa politika at ngayon ay humaharap sa mabigat na akusasyon tungkol sa flood control fund anomaly.
Kamakailan, nagbigay ng suporta ang aktres na si Iwa Moto kay Sen. Ping Lacson. Sa kanyang social media post, tinawag niyang inspirasyon ang senador dahil sa kanyang paninindigan at laban kontra katiwalian. Maraming netizens ang nagpahayag din ng paghanga kay Lacson dahil sa kanyang pagiging tapat at walang takot sa paglalahad ng katotohanan.
Samantala, kinumpirma naman ni Sen. Lacson na bumisita sa Senado ang isang opisyal ng WJ Construction kaugnay ng imbestigasyon. Ang kumpanyang ito ay nadawit din sa kontrobersiya ng flood control projects. Ayon kay Lacson, bahagi ito ng transparency at pagpapatuloy ng imbestigasyon upang matukoy ang lahat ng posibleng sangkot sa anomalya.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
