Doctor-content creator, may makabuluhan na pahayag tungkol sa kahulugan ng "failure"
- Dr. Kilimanguru nagbahagi ng opinyon tungkol sa edad, pamilya, at konsepto ng “failure”
- Nilinaw niyang hindi basehan ang edad o kawalan ng pamilya para sabihing huli na sa buhay ang isang tao
- Pinayuhan niya na huwag magmadali o magpumilit sa relasyon at pumili nang tama ng partner
- Nag-viral ang kanyang pahayag at umani ng iba’t ibang reaksyon mula sa netizens
MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!
Source: Instagram
Ibinahagi ni Dr. Kilimanguru ang kanyang pananaw tungkol sa edad at kung dapat bang ituring na “failure” ang isang tao kung wala pa itong asawa o anak.
Sa kanyang Facebook post noong Setyembre 13, sinabi niyang ang edad ay hindi basehan para sabihing huli na sa buhay o bigo na ang isang tao.
Para sa kanya, imbentong standards lamang ng lipunan ang ganitong pananaw.
Paliwanag niya, may kanya-kanyang landas ang bawat isa at hindi dapat limitahan ang sarili batay sa iniisip ng iba.
PAY ATTENTION: Follow us on Instagram - get the most important news directly in your favourite app!
Dagdag pa niya, marami pang puwedeng gawin sa buhay bukod sa pagpapakasal at pag-aanak.
Nagbigay rin siya ng payo tungkol sa relasyon. Ayon sa kanya, maaaring maging masaya ang isang tao kahit may partner, basta tama ang napili.
Binanggit din niya na anumang bagay na minamadali o pinipilit ay kadalasang hindi nagiging maganda ang resulta.
Maraming netizens ang sumang-ayon sa kanyang pahayag. May mga nagkomento na mas mabuting manatiling single kaysa mapunta sa maling tao.
May ilan ding nagbahagi ng personal na karanasan tulad ng pag-aasawa sa mas huling edad at pagiging kuntento kahit walang anak.
Matatandaang sumikat si Dr. Kilimanguru bilang content creator dahil sa kanyang nakakatawang istilo sa pagpapaliwanag ng health topics at sa kanyang signature expression na “char.”
Si Dr. Kilimanjaro Creones Tiwaquen, mas kilala bilang Dr. Kilimanguru, ay isang doktor at social media content creator mula sa Baguio City.
Sumikat siya dahil sa kanyang mga edu-health content kung saan ipinaliliwanag niya ang iba’t ibang usaping medikal sa simple at nakakatawang paraan para mas madaling maintindihan ng mga tao.
Mayroon siyang higit 4.3 milyon na followers sa TikTok at gumagawa ng mga video tungkol sa karaniwang sakit, lifestyle tips, maagang pagtuklas ng karamdaman, at paglilinaw sa mga maling paniniwala tungkol sa kalusugan.
Bukod sa paggawa ng content online, sinusuportahan din niya ang mga kampanya para sa kalusugan ng publiko, nagpo-promote ng insurance awareness, at nagbababala laban sa mga pekeng endorsements na gumagamit ng kanyang pangalan.
Madalas siyang gumamit ng Taglish, storytelling, jokes, at visuals sa kanyang mga post para mas makakonekta sa mga manonood.
Paalala rin niya sa kanyang mga followers na magpatingin sa doktor nang personal para sa seryosong karamdaman at mag-ingat sa mga maling patalastas sa internet.
Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.
Ang mga balita, larawan, o video na nakakaantig ng interes ng mga netizen ay madalas nagiging viral sa social media dahil sa atensyon na ibinibigay ng publiko. Ang ganitong mga post ay kadalasang tumatama sa emosyon ng mga netizen, at sa ilang pagkakataon, maaari rin itong mangyari sa mga karaniwang tao, na mas nagiging relatable sa marami.
Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.
Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
