Lalaki, nasawi matapos tamaan ng bucket ng backhoe na minaneho ng kanyang misis

• Isang 34-anyos na lalaki ang nasawi matapos siyang maipit ng bucket ng backhoe na minamaneho ng kanyang asawa sa lugar ng trabaho nito sa Valencia City, Bukidnon
• Ayon sa imbestigasyon, nagtapon umano ng bato ang lalaki sa kanyang asawa na nag-udyok sa babae na imaniobra ang bucket ng backhoe para ipangtanggol ang sarili subalit hindi niya namalayan na nahagip ang kanyang mister
• Kinilala ng Bukidnon Police Provincial Office ang mag-asawa na dati nang may tensyon sa relasyon, kung saan madalas umanong inaabuso ng lalaki ang kanyang asawa na nagresulta sa paglabas ng permanent protection order mula sa korte
• Ang babae ay nadetine matapos ang insidente ngunit agad ding nakalaya dahil walang naghain ng reklamo laban sa kanya, habang patuloy ang paalala ng awtoridad sa mga mag-asawa na huwag hayaang lumala ang away na maaaring humantong sa trahedya

Isang trahedyang nag-ugat sa away mag-asawa ang naganap sa Valencia City, Bukidnon matapos masawi ang isang 34-anyos na lalaki nang siya ay maipit ng bucket ng backhoe na minamaneho mismo ng kanyang asawa.

Read also

10-anyos na bata sa Guagua, nalunod habang naliligo sa ilog kasama ang mga kaibigan

Batay sa imbestigasyon ng mga awtoridad, nagtapon umano ng bato ang biktima sa kanyang asawa na noon ay abala sa pagpapatakbo ng backhoe sa kanyang pinagtatrabahuhan. Dahil sa takot, agad umanong iminaniobra ng babae ang bucket ng heavy equipment para harangan ang anumang maaaring tamaan sa kanya. Ngunit hindi niya namalayan na natamaan mismo ang kanyang asawa.

“Out of fear, itong babae para hindi siya matamaan gi-cover niya ng bucket itong backhoe. On which wala niya mabantayi along the way naipit natong husband niya sa bucket sa backhoe. So naka-sustain ang husband niya ng serious injuries sa different part sa katawan niya,” pahayag ni Major Jayvee Babaan, tagapagsalita ng Bukidnon Police Provincial Office.

Nagtamo ng malubhang pinsala ang lalaki sa iba’t ibang bahagi ng katawan na naging sanhi ng kanyang pagkamatay. Lumabas pa sa ulat na matagal nang may hindi pagkakaunawaan ang mag-asawa. Madalas umano ay pisikal na inaabuso ng lalaki ang kanyang asawa, dahilan para dumulog ang babae sa korte at humiling ng proteksiyon.

Read also

Ex-partner, patay matapos mauwi sa agawan ng patalim ang mainitang pagtatalo

“May permanent protection order itong babae galing sa court against sa victim. So, supposedly hindi na dapat naglapit itong biktima sa suspek natin,” dagdag pa ni Babaan.

Matapos ang insidente, agad na dinala sa kustodiya ng pulisya ang babae. Subalit noong Lunes, Setyembre 8, 2025, siya ay pinalaya rin makaraang walang magsampa ng kaso laban sa kanya. “Update naman natin yesterday Monday, na-release itong suspek kay wala man nag-file na complaint against sa suspek,” ani Babaan.

Nagbigay naman ng paalala ang mga awtoridad sa lahat ng mag-asawa at mag-partner na huwag hayaang lumala ang away na nagdudulot ng pisikal na karahasan, lalo na’t maaari itong humantong sa trahedyang tulad ng nangyari sa Bukidnon.

Ang mga kaso ng domestic violence sa Pilipinas ay matagal nang isyu na patuloy na binibigyan ng pansin ng mga awtoridad at mga advocacy groups. Sa maraming pagkakataon, ang mga insidente ng karahasan sa tahanan ay humahantong sa malubhang pinsala o maging kamatayan, gaya ng nangyari sa mag-asawa sa Bukidnon.

Read also

Dating titser at arkitekto na ngayo'y namamalimos, umantig sa puso ng netizens

Ang pagkakaroon ng permanent protection order ay patunay ng seryosong antas ng tensyon sa kanilang relasyon. Gayunman, ipinapakita rin ng kasong ito na kahit may legal na aksyon, maaari pa ring mauwi sa trahedya kung hindi masusunod ang mga restriksyon.

Kamakailan ay gumulantang din ang isang insidente sa Albay kung saan bumagsak ang isang tulay matapos daanan ng overloaded na truck. Sa report, makikita ang biglaang pagbagsak ng tulay na nagresulta ng pagkakasira ng ilang sasakyan at pagkaantala ng trapiko. Naging panawagan ito sa mas mahigpit na implementasyon ng safety regulations para maiwasan ang kaparehong aksidente.

Samantala, dalawang magkapatid ang pumanaw matapos silang mabagsakan ng bucket ng isang backhoe sa Aklan. Ayon sa ulat, naglalaro umano ang mga bata sa paligid ng heavy equipment nang mangyari ang insidente. Katulad ng kaso sa Bukidnon, muling napag-usapan ang kahalagahan ng tamang paggamit at mas mahigpit na seguridad sa operasyon ng mabibigat na makinarya.

Source: KAMI.com.gh