Babae na dumungaw sa sinasakyang ferris wheel, comatose matapos ito mahulog
- Isang babae ang comatose matapos mahulog mula sa Ferris wheel sa Lal-Lo, Cagayan nang siya ay dumungaw mula sa gondola at mawalan ng balanse
- Ayon sa imbestigasyon, nahilo ang biktima habang nasa itaas at nahulog mula sa taas na 10 talampakan; wala umanong seat belt ang mga gondola
- Agad isinugod sa ospital ang biktima na nagtamo ng matinding sugat sa ulo at katawan at kasalukuyang nasa comatose state
- Ipinatigil ang operasyon ng Ferris wheel habang iniimbestigahan ang insidente; sinusubukang kunin ang pahayag ng operator
Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!
Comatose ngayon ang isang babae matapos mahulog mula sa sinasakyan niyang Ferris wheel sa isang perya sa Lal-Lo, Cagayan.
Source: UGC
Sa ulat ng GMA News 24 Oras nitong Lunes, lumabas sa imbestigasyon ng pulisya na ang biktima ay dumungaw mula sa kinauupuang gondola habang ito ay nasa itaas.
Nangyari ang insidente nang pansamantalang huminto ang Ferris wheel upang magsakay ng ibang pasahero.
Ayon sa mga awtoridad, nahilo ang babae habang siya ay nakadungaw, dahilan upang mawalan ng balanse at mahulog mula sa taas na 10 talampakan.
PAY ATTENTION: Follow us on Instagram - get the most important news directly in your favourite app!
Bagaman may arm bar ang mga gondola ng naturang Ferris wheel, wala umano itong seat belt na maaaring nakapigil sana sa pagbagsak ng biktima.
Agad siyang isinugod sa pinakamalapit na ospital kung saan siya ngayon ay nasa comatose state matapos magtamo ng matinding sugat sa ulo at katawan.
Dahil sa insidente, ipinatigil ng lokal na pamahalaan ang operasyon ng Ferris wheel habang isinasagawa ang imbestigasyon.
Sinusubukan ding makontak ng GMA Integrated News ang operator ng Ferris wheel upang kunin ang kanilang panig hinggil sa nangyari.
atuloy naman ang paalala ng mga awtoridad sa mga may-ari ng mga peryahan na tiyaking ligtas ang kanilang mga rides, lalo na ang pagkakaroon ng mga sapat na safety equipment gaya ng seat belts upang maiwasan ang ganitong mga trahedya.
Ang mga balita, larawan, o video na umaantig sa interes ng mga netizen ay kadalasang nagva-viral sa social media, dahil sa atensyon na ibinibigay dito ng publiko. Ang ganitong mga post ay tumatagos sa emosyon ng mga netizen, at sa ilang pagkakataon, maging ang mga ordinaryong tao ay nagiging bahagi nito dahil sa pagiging relatable nila.
Sa isang naunang ulat ng KAMI, isang pamilya na binubuo ng tatlong miyembro ang walang awang pinagbabaril at pinatay sa loob ng kanilang tindahan sa Barangay Mallorca, San Leonardo, Nueva Ecija. Ayon sa CCTV footage, tatlong lalaki ang pumasok sa tindahan, isinara ang roll-up door, at pinagbabaril ang buong pamilya. Bago tumakas, isa sa mga suspek ay kinuha pa ang bag at cellphone ng biktima. Sa ulat ni Gary De Leon ng ‘Frontline Pilipinas’ ng TV5, lumalabas na nagsimulang makatanggap ng banta ang pamilya matapos umano silang magpautang ng P1 milyon sa isa sa mga residente ng kanilang barangay na sinasabing gagamitin sa negosyo.
Sa isa pang viral na lokal na ulat, isang 51-anyos na public school teacher sa Las Piñas City ang pinagsasaksak ng maraming beses ng sarili niyang asawa. Ayon sa ulat ni EJ Gomez sa ‘Unang Balita,’ naganap ang krimen sa loob mismo ng faculty room ng paaralan. Ayon sa mga pulis, may guwardya naman ang eskwelahan, ngunit dahil kilala na roon ang suspek, madali itong nakapasok at nakalabas. Sinabi ng suspek na gusto lang sana niyang kausapin ang kanyang misis upang ayusin ang kanilang hindi pagkakaunawaan, ngunit nauwi ito sa matinding pagtatalo.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
