2-anyos na bata patay matapos atakihin ng bubuyog sa Aurora, Zamboanga del Sur
- Isang 2-anyos na batang lalaki ang nasawi matapos kuyugin ng bubuyog habang kasama ang kanyang lolo sa maisan sa Barangay San Juan, Aurora, Zamboanga del Sur
- Ayon sa ulat, tinangkang isalba ng lolo ang bata mula sa mga bubuyog ngunit hindi ito naging sapat upang mailigtas ang apo sa matinding atake
- Idineklara siyang dead on arrival matapos isugod sa ospital, habang iniimbestigahan pa rin ng awtoridad kung siya ay nalunod din sa sapa habang tumatakas
- Nakaburol na ang biktima at patuloy ang panawagan ng mga kaanak na matukoy ang buong detalye ng insidente upang maiwasan ito sa ibang pamilya
Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!
Trahedya ang bumalot sa Barangay San Juan, Aurora, Zamboanga del Sur matapos kumpirmahin ng mga awtoridad ang pagkamatay ng isang 2-anyos na batang lalaki matapos siyang atakihin ng grupo ng mga bubuyog habang nasa maisan kasama ang kanyang lolo. Ayon sa mga ulat, walang kaalam-alam ang mag-lolo na may pugad pala ng bubuyog sa kanilang dinaraanan nang bigla na lamang umatake ang mga ito.
Source: Original
Sinubukan pa umanong ipagtanggol ng lolo ang kanyang apo sa pamamagitan ng pagtatakip sa bata gamit ang sariling katawan, ngunit hindi naging sapat ang kanyang pagtatangkang protektahan ito. Hindi pa malinaw kung saan eksaktong nagsimula ang atake, ngunit hinala ng mga awtoridad, maaaring nasagi nila ang pugad habang naglalakad. Tumakbo raw sila palayo, at sa kaguluhan ay maaaring nahulog din ang bata sa isang sapa, dahilan upang imbestigahan pa rin ang posibilidad na nalunod ito habang tumatakas.
Agad silang dinala sa ospital, ngunit idineklara nang dead on arrival ang batang lalaki. Nakaburol na ang biktima sa kanilang tahanan habang tuloy ang imbestigasyon upang matukoy ang eksaktong dahilan ng pagkamatay—kung ito ba ay dulot ng mga kagat ng bubuyog, posibleng allergic reaction, o pagkalunod.
PAY ATTENTION: Follow us on Instagram - get the most important news directly in your favourite app!
Bagamat karaniwang iniuugnay ang mga bubuyog sa paggawa ng pulot, may mga uri nito—tulad ng mga putyukan o wild honeybees—na agresibo lalo na kapag nasaling ang kanilang pugad. Ang atake ng maraming bubuyog, lalo na sa mga batang may mas sensitibong katawan, ay maaaring magdulot ng anaphylactic shock o instant allergic reaction na pwedeng ikamatay sa loob ng ilang minuto. Kapag maraming beses na nakagat, maaari ring humantong sa organ failure o matinding pagkawala ng oxygen sa katawan. Mas nakababahala ito sa mga lugar tulad ng mga maisan at kagubatan kung saan madalas nakatago ang mga pugad ng bubuyog.
Sa isang ulat ng Kami.com.ph nitong Hulyo 2024, 43 katao ang sugatan matapos atakihin ng mga putyukan sa loob ng Energy Park sa Tagum City. Ayon sa mga ulat, hindi inaasahan ang insidente at marami sa mga nasugatan ay kailangang isugod sa ospital. Sinabi ng mga otoridad na posible umanong may naistorbong pugad ng bubuyog malapit sa park.
Samantala, isang 19-anyos na lalaki ang binawian ng buhay matapos kagatin ng bubuyog sa Sarangani nitong Hulyo rin. Nakatanggap umano ng ilang kagat ang binata at agad nakaramdam ng matinding pangangati at hirap sa paghinga. Sa kabila ng agarang pagtakbo sa ospital, hindi na siya naisalba ng mga doktor.
Source: KAMI.com.gh
