Kaila Estrada, kinabahan matapos masaksihan ang pagwawala ng isang lalaki sa event

• Kaila Estrada nagulat nang magkaroon ng tensyon sa isang event na kanyang dinaluhan
• Isang lalake na may payong ang pinipigilan ng staff na nagdulot ng ingay at atensyon
• Makikitang napahawak sa kanyang dibdib si Kaila dahil sa pagkabigla habang papasok sa elevator
• Aktres nakalayo nang maayos at walang hindi magandang nangyari sa kanya

Naging usap-usapan online ang isang video kung saan makikitang nataranta si Kaila Estrada matapos masaksihan ang biglaang tensyon sa isang event na kanyang dinaluhan. Ibinahagi sa X media ni @Sam517255065331 ang naturang video, kalakip ang caption na “OMG BAKIT SIYA GINANYAN NG MARSHALL,” na agad namang umani ng reaksiyon mula sa netizens.

Sa video, makikita ang dalawang marshalls na pilit inaawat ang isang lalake na may hawak na payong. Hindi malinaw kung ano ang pinagmulan ng tensyon—kung may nakaalitan ba ito o kung may ginawang hindi kanais-nais—ngunit kapansin-pansin ang pagsisikap ng staff na ilabas siya sa backstage area upang maiwasan ang mas malaking kaguluhan.

Read also

Lalaki sa Bataan, nasawi matapos ang alitan dahil umano sa ₱150 utang

Habang nangyayari ang lahat, makikitang papunta sa elevator si Kaila, na nasa hindi kalayuan mula sa eksena. Nang makarinig ng ingay at mapansin ang pag-aagawan sa kabilang dulo ng hallway, napalingon ang aktres at halatang nagulat. Nakita sa video na napahawak siya sa kanyang dibdib—na para bang nagulat at nagtatanong kung ano'ng nangyayari.

Patuloy na naglakad si Kaila papunta sa elevator kasama ang kanyang dalawang alalay, na nanatili sa tabi niya upang samahan siya palabas ng lugar. Dahil nakatutok ang marshalls sa paghawak sa lalake, walang nakapag-alalay kay Kaila pabalik sa elevator area. Mabuti na lamang at tuloy-tuloy siyang nakalayo mula sa tensyon.

Pagkapasok niya sa elevator, makikita sa video na napabuntong-hininga ang aktres—tila senyales ng paglabas ng kaba dulot ng hindi inaasahang kaguluhan sa venue. Wala si Daniel Padilla sa event at sa kabutihang palad, walang hindi magandang nangyari kay Kaila sa buong pangyayari.

Ang kakaibang tagpong ito ay mabilis na kumalat sa social media, lalo na’t maraming fans ang nag-aalala sa kalagayan ng aktres. Sa maikling sandaling iyon, malinaw na ipinakita ni Kaila ang natural na reaksyon ng isang taong biglang makakasaksi ng kapansin-pansing tensyon—gulat, pag-aalala, at pagnanais na makalayo sa kaguluhang hindi naman niya kasangkot.

Si Kaila Estrada ay isa sa mga mabilis na umaarangkadang aktres ng bagong henerasyon. Nakilala siya sa mga teleserye at proyekto kung saan pinuri ang kanyang pagiging versatile at ang kakayahang magbigay-buhay sa iba’t ibang karakter. Anak nina Janice de Belen at John Estrada, patuloy niyang pinatutunayan na kaya niya tumayo sa sarili niyang pangalan sa showbiz.

Read also

18-anyos na dalawang gagawa daw sana ng research, natagpuang wala nang buhay

Ang KAMI kamakailan ay nag-ulat tungkol kay Daniel Padilla na iniuugnay kay Kaila Estrada dahil sa mga umiikot na usap-usapan online. Sa naturang balita, nilinaw ng aktor na nais niyang pangalagaan ang kanyang personal na buhay at ayaw niyang maipit sa mga haka-hakang may kinalaman sa showbiz. Kaugnay ng tensyong nasaksihan ni Kaila sa event, lalo namang naging curious ang fans kung paano niya hinahawakan ang atensyon mula sa publiko kasabay ng pag-ingay ng mga tsismis tungkol sa kanya at sa aktor.

Sa isa pang balitang inilathala ng KAMI, nagbigay si Kaila ng pahayag tungkol sa ilang saloobin ng kanyang ina na si Janice de Belen. Maayos at magalang niyang ipinaliwanag ang kanyang pananaw, na lalo pang nagpatunay ng kanyang maturity bilang aktres at bilang anak. Kaugnay ng tensyong kanyang nasaksihan sa event, makikita rin dito kung paano humahawak si Kaila ng mga sitwasyong puno ng pressure—mapa-personal man o pampubliko.

Source: KAMI.com.gh