Nawat Itsaragrisil, bawal na sa Miss Universe activites matapos ang sagutan nila ni Miss Mexico

• Ipinagbawal si Nawat Itsaragrisil sa mga aktibidad ng 74th Miss Universe pageant

• Nag-walkout ang ilang candidates matapos ang isyu niya kay Miss Mexico Fátima Bosch

• Ayon sa MUO, may kawalan ng respeto at panghihiya na naganap sa harap ng publiko

• Naglabas ng pahayag ang MUO na nanindigan sa paggalang at dignidad ng mga kababaihan

Ipinahayag ng Miss Universe Organization na hindi na pahihintulutan si Miss Universe Thailand National Director Nawat Itsaragrisil na makibahagi sa mga aktibidad ng 74th Miss Universe pageant.

Inanunsyo ito ni MUO President Raúl Rocha sa isang video sa social media.

Nangyari ang pasya matapos ang tensyon sa pagitan ni Nawat at Miss Mexico Fátima Bosch sa isang pre-pageant event noong Nobyembre 4, na nagresulta sa pag-walkout ng ilang kandidata.

Ayon kay Rocha, hindi niya papayagan na lapastanganin ang respeto at dignidad ng mga kababaihan sa Miss Universe.

Sinabi rin niya na tila nakalimutan ni Nawat ang tunay na diwa ng pagiging host.

Read also

Content creator, natagpuang patay sa bathtub sa loob ng isang hotel

Umano’y pinuna ni Nawat si Bosch dahil hindi raw ito nagpo-post tungkol sa Thailand at hindi sumali sa ilang shoot, kahit pumayag ito na ma-film ng isang TV network.

Ipinahayag din ng MUO president ang matinding pagkadismaya sa umano’y pampublikong panghihiya at pang-iinsulto ni Nawat kay Bosch.

Dahil dito, ipinagpaliban niya ang sashing ceremony upang maiwasan ang muling pagharap ng dalawa.

Inihayag ni Rocha na nililimitahan o tuluyang aalisin ang partisipasyon ni Nawat sa mga event ng Miss Universe ngayong taon.

Nagpadala na rin ng MUO delegation at diplomatic experts sa Thailand para ayusin ang sitwasyon.

Binigyang-diin niya na ang Miss Universe ay plataporma para sa empowerment ng kababaihan. Nag-sorry na si Nawat matapos kumalat ang insidente online.

Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.

Ang mga balita, larawan, o video na nakakaantig ng interes ng mga netizen ay madalas nagiging viral sa social media dahil sa atensyon na ibinibigay ng publiko. Ang ganitong mga post ay kadalasang tumatama sa emosyon ng mga netizen, at sa ilang pagkakataon, maaari rin itong mangyari sa mga karaniwang tao, na mas nagiging relatable sa marami.

Read also

Kandidata ng Mexico, pinagsabihan ni Nawat; ilang kandidata, nag-walkout

Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.

Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.

Source: KAMI.com.gh