Celebrities, naaliw sa tanong ni Chariz Solomon ukol sa mga covers ni Aljur Abrenica

• Nag-viral kamakailan si Chariz Solomon dahil sa video niya tungkol sa mga song covers ni Aljur Abrenica
• Ang kanyang naging tanong ay labis namang kinagiliwan ng ilang mga personalidad
• Kabilang na rito ay sina Jasmine Curtis-Smith, Rhian Ramos, Valeen Montenegro at iba pa
• Gayunpaman, dinepensahan pa rin ni Chariz ang aktor sa mga bashers nito online

Nag-viral at umani ng hagalpakan ng tawa ang Instagram video ng komedyanteng si Chariz Solomon, matapos niyang magtanong ukol sa mga song cover ni Aljur Abrenica ang kanyang social media feed.

Sa naturang video na ipinost ng komedyante, makikita si Chariz na nakaharap sa camera, sabay tanong ng:

"Guys, kapag ba yung feed mo, ang laman puro si Aljur? Ang tawag ba dun ALJURithm?"

Ang matalino at nakakatawang 'play on words' ni Chariz, na pinagsama ang pangalan ni Aljur at ang salitang "algorithm," ay mabilis na kinagiliwan ng marami, bagay na nagpapatunay na hindi siya nag-iisa sa kanyang feed na binabaha ng mga viral song covers ng aktor.

Read also

Bea Borres, naka-relate kay Jillian Ward ukol sa 'sugar dáddy' allegations

Agad na umapaw sa tawa at komento ang post ni Chariz mula sa iba't ibang sikat na personalidad, na nagpakita na karamihan sa kanila ay napapansin din ang "ALJURithm."

Ilan sa mga nag-react ay: si Valeen Montenegro na nagsabing, "Same tayo ng aljurithm!" Sina Lovi Poe, Rhian Ramos, Winwyn Marquez, Thea Tolentino, at Shaira Diaz na nagpadala ng sunud-sunod na laughing emojis. At Maging sina Jasmine Curtis Smith, Yasmien Kurdi, Alessandra de Rossi, at Jeraldine Blackman ay nagbigay ng kani-kanilang nakakaaliw na reaksyon sa video ni Chariz.

Hindi lang patawa ang hatid ni Chariz. Tumugon din siya sa isang netizen na nagbigay komento tungkol sa performance ni Aljur, at ipinagtanggol niya ang kakayahan ng aktor sa pag-awit.

Aniya Chariz, "Magaling talaga siya kumanta! Napaglaruan lang sa socmed! Pero sa Starstruck, yan talaga pambato niya, singing! Seryoso 'to ha no joke!"

Ang tugon ni Chariz ay nagpapaalala sa publiko na bagama't nakakatuwa ang mga meme ni Aljur, seryoso itong magaling na singer, na siya talagang pambato niya noong nagsisimula pa lang siya sa showbiz.

Read also

Erik Santos, naloka sa tanong ni Angeline Quinto sa isang FA: "Napaka mo talaga"

Panoorin ang video sa ibaba:

Si Chariz Solomon ay isang Filipina actress, komedyante, at TV host na kilala sa kanyang husay sa pagpapatawa at pagiging natural sa harap ng kamera. Unang nakilala si Chariz nang sumali siya sa reality-based talent search ng GMA Network na StarStruck: The Next Level. Bagama’t hindi siya nagwagi, nagsilbi itong tulay para sa kanyang karera sa showbiz. Simula noon, lumabas siya sa iba’t ibang teleserye, sitcoms, at variety shows ng GMA, kung saan madalas siyang gumanap bilang komedyante o supporting character na nagbibigay-buhay sa mga eksena. Bukod sa kanyang karera sa telebisyon, si Chariz ay kilala rin bilang isang mapagmahal na ina sa kanyang mga anak.

Sa nakaraang ulat ng KAMI ay ibinahagi ni Chariz Solomon na pinautang siya ni Lovely Abella ng walang interes para sa isang family property. Shinare niya ang emosyonal na rebelasyong ito sa isang panayam sa Fast Talk with Boy Abunda. Ayon kay Chariz, nagdesisyon sina Lovely at ang kanyang asawa na tulungan siya matapos ang isang video call kung saan pareho silang napaiyak sa sitwasyon ng kanilang kaibigan.

Read also

Melissa De Leon, nagpahayag ng pasasalamat kay Vice Ganda sa isyu ng korapsyon

Samantalang noong 2023 ay labis na ikinatuwa ng mga netizen ang viral na video ni Chariz Solomon kasama ang kanyang anak. Sa Instagram, nagbahagi si Chariz ng isang video nilang mag-ina. Sa naturang clip, maririnig ang anak ni Chariz na nagtatanong sa kanya kung ano ang kahulugan ng salitang “tangled.” Dahil dito, nabigla si Chariz at nagbigay ng nakakatawang paliwanag tungkol sa naturang salita.

Source: KAMI.com.gh