Dani Barretto, nawindang at napamura sa sinabi ng mister habang sila ay nasa resto

Published 1 Oct 2025

by Chris Franco

3 min read

Naging usap-usapan kamakailan lang sina Dani Barretto at Xavi Panlilio
Kumakain kasi sila sa isang fine dining restaurant sa video na ipinost ni Xavi
Ngunit ang hindi inaasahan ng marami, at pati ni Dani, ay ang banat ni Xavi
Dahil dito, talagang nawindang at napamura pa nga si Dani sa viral na video

MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!

Viral ngayon sa social media ang isang nakakaaliw na video ni Dani Barretto at ng kanyang asawang si Xavi Panlilio na nagbigay ng instant kilig at tawa sa kanilang mga tagasubaybay.

Ibinahagi ni Xavi sa Instagram ang isang maikling clip na kuha habang sila ay nagdi-dinner sa isang fine dining restaurant, at dito'y nasaksihan ang isang candid at nakakatawang eksena.

Dani Barretto, nawindang at napamura sa sinabi ng mister habang sila ay nasa resto — Photos: @danibarretto, @xavipanlilio on Instagram
Source: Instagram

Nagsimula ang video sa pag-vlog ni Xavi sa masarap na pagkain na nasa harapan nila—isang presentableng ulam, na tila'y parang octopus pa nga o steak, na talagang nakakagutom tingnan.

Sa likod ng camera, maririnig si Xavi na nagbibigay ng matamis na papuri kay Dani. "Babe, the food looks great," panimula niya, na sinundan ng hindi inaasahang banat: "Pero ikaw yung pinakamasarap."

Read also

Gardo Versoza, may post sa Discaya-owned na St. Gerrard compound sa Pasig: "Nag-palpitate ako"

PAY ATTENTION: Follow us on Instagram - get the most important news directly in your favourite app!

Sa una, makikita si Dani na napa-pose at nagpapa-cute, tila nage-enjoy sa compliment. Ngunit, nang tuluyang mag-sink in sa kanya ang huling sinabi ng kanyang asawa, biglang nagbago ang kanyang ekspresyon.

Ang cute na pose ay napalitan ng mukhang gulat na gulat. Sa kanyang reaksyon, halatang nabigla siya at napaisip. "Did you just say 'pinakamasarap?'" tanong niya, na may halong pagkabigla at pagtawa. "What the f*ck did you just say? Na-shock ako ah!" patuloy niya, habang natatawa na rin si Xavi.

Nagkasalo ang dalawa sa halakhak, at sa dulo ng clip ay makikita pa si Xavi na bahagyang itinulak ang balikat ni Dani sa sobrang pagkaaliw. Ang reaksyon ni Dani ay lubos na nagpakita ng kanyang pagiging genuine at natural, na isa sa mga dahilan kung bakit kinagiliwan siya ng mga netizen.

Ang video na ito ay nagbigay-diin lamang sa masaya at mapagbirong relasyon nina Dani at Xavi. Pinatunayan nilang hindi lang sila mag-asawa kundi magkaibigan din na hindi nauubusan ng dahilan para magpatawa at magpakilig.

Read also

Taxi, nag-illegal U-turn; mga pulis, nagulantang pagtingin sa loob nito

Panoorin ang video sa ibaba:

Si Dani Barretto ay isang kilalang Filipino content creator at social media personality. Nagmula siya sa tanyag na pamilya Barretto sa showbiz, bilang panganay na anak nina Marjorie Barretto at Kier Legaspi. Unang nakilala si Dani noong 2012 nang ilunsad niya ang kanyang fashion at lifestyle blog na Ms. Style Is Eternal, at unti-unti siyang nagkaroon ng loyal at solid na following. Higit pa sa kanyang presensya online, matagumpay din siyang negosyante at isa sa mga nagtatag ng ilang negosyo, kabilang na ang wellness-drink brand na Wellness Whispers. Siya rin ang host ng The Bare It All podcast kung saan tinatalakay niya ang mga paksang gaya ng wellness, motherhood, at personal growth. Sa personal na buhay, ikinasal naman si Dani kay Xavi Panlilio, isang DJ, noong 2019, at mayroon silang dalawang anak: sina Millie at Riley James Panlilio.

Sa nakaraang ulat ng KAMI ay ipinagdiwang nina Dani Barretto at Xavi Panlilio ang panibagong taon ng kanilang pagmamahalan. Para sa kanilang espesyal na selebrasyon, bumiyahe ang mag-asawa sa Europa para sa isang engrandeng bakasyon. Kinuha rin nila ang serbisyo ng Nice Print Photography upang kunan ng larawan ang kanilang masasayang sandali. Kalakip ng mga larawan ay isang maikli ngunit matamis na mensahe tungkol sa kanilang anibersaryo.