Jericho Rosales, may pasilip sa kanyang birthday celebration sa Africa

• Si Jericho Rosales ay muling nagdiwang ng kanyang birthday sa Africa
• Aniya Jericho, ito raw ang "third time" niya na mag-celebrate sa bansa
• Mas naging espesyal pa ito dahil nakasama niya si Janine Gutierrez
• Talagang natuwa naman ang kanyang fans sa post niya na ito sa Instagram

Si Jericho Rosales ay muling pinatunayan na ang Africa ay isa sa kanyang paboritong lugar sa mundo matapos ibahagi na doon na naman niya sinelebrate ang kanyang kaarawan — at ngayong taon, mas espesyal dahil kasama pa nga niya ang kanyang girlfriend na si Janine Gutierrez.

Noong Saturday, September 27, nag-post si Jericho sa Instagram ng mga larawan mula sa kanyang masayang selebrasyon sa Tanzania. Sa mga larawan, makikita ang mga staff na buong siglang kumakanta ng birthday song para sa aktor habang inihahain ang isang simpleng ngunit mukhang masarap na birthday cake. Mayroon ding kuha si Jericho na nakikipagkuwentuhan at nakikisaya kasama ang mga lokal na manggagawa — bagay na labis na ikinatuwa ng mga netizens dahil sa ipinakita niyang pagpapakumbaba at pakikisama sa mga tao sa Africa.

Read also

Ashley Ortega, nagpakatotoo nang matanong tungkol sa hiwalayang Mavy-Kyline

Sa caption, hindi maitago ni Jericho ang saya niya sa Africa. Aniya, "Third time celebrating my birthday in Africa, and I always come home with a full heart and belly. So I'm connecting to the wifi to say big big love to the amazing people of Tanzania, and everyone who greeted me! ASANTE SANA! So so happy to share this experience with @janinegutierrez! Thanks for being sneaky!"

Marami pa nga ang natuwa sa biro niyang "sneaky" kay Janine — patunay na puno ng kilig at saya ang kanilang paglalakbay. Hindi rin nagpahuli ang mga tagahanga at kaibigan ni Jericho sa comment section sa kanyang Instagram at bumuhos ang mga pagbati para sa dating matinee idol.

Para sa ilan, kahanga-hanga na sa kabila ng tagumpay at katanyagan ni Jericho, nananatili pa rin siyang grounded at mas pinipiling magdiwang sa mga lugar na may kahulugan sa kanya.

Swipe left para makita ang iba pang post:

Read also

Ivana Alawi, ipinaghanda ang anak ni Katrina Halili na si Katie sa kaarawan nito

Si Jericho Rosales ay isang kilalang Filipino actor, mang-aawit, at modelo, na hinahangaan dahil sa kanyang versatility at husay sa pagganap sa mga iba't ibang teleserye at pelikula. Naging tanyag siya sa mga hit teleserye gaya ng Pangako Sa 'Yo at The Legal Wife. Kilala bilang isang matinee idol na may angking galing sa pag-arte, nakatanggap si Jericho ng papuri mula sa mga kritiko at ilang parangal para sa kanyang mga papel sa parehong mainstream at independent films, gaya ng Baler at Alagwa. Sa kanyang personal na buhay, ikinasal naman siya kay Kim Jones noong May 2014, subalit kalaunan ay naghiwalay din silang dalawa noong 2019.

Sa nakaraang ulat ng KAMI ay naging usap-usapan si Jericho Rosales dahil sa kanyang pagkalito sa isang video. Kamakailan ay nag-post si Janine Gutierrez ng video kung saan kasama niya si Echo. Ngunit ang prank na ginawa ng aktres sa kanyang partner ay kinagiliwan ng marami. Kitang-kita kasi ang pagkalito ni Jericho sa sinabi ni Janine.

Read also

Kakai Bautista, nakaramdam ng inggit matapos magbakasyon sa Vietnam: "Grabe"

Samantalang ay nag-viral kamakailan ang anak ni Jericho Rosales at pati na rin si Janine Gutierrez. Sa isang TikTok video, makikitang binati ng dalawa ang isa't isa sa isang event. Bukod sa candid at casual nilang pag-uusap, nagyakapan pa nga ang dalawa. Marami namang 'EchoNine' fans ang talagang natuwa sa interaction ng dalawa.

Source: KAMI.com.gh