Angel Aquino, biktima ng 'deepfake AI' na ginamit sa malaswang bidyo

• Ang aktres na si Angel Aquino ay naging biktima ng AI deepfake porn at nanawagan ng mas matibay na batas laban dito
• Inilarawan niya ang karanasan bilang digital assault na nakakasira ng dangal kahit walang pisikal na sugat
• Ang content creator na si Queen Hera ay ibinahagi rin na biktima ang anak niyang babae ng deepfake porn
• Si Sen. Risa Hontiveros naman ay tiniyak na gagamitin ang kanilang testimonya para palakasin ang batas laban sa AI exploitation

Ang aktres na si Angel Aquino ay umapela sa Senado matapos siyang maging biktima ng AI-generated deepfake porn.

Ayon sa kanya, nakakabastos at dehumanizing ang makita ang sarili sa isang porn video na hindi naman totoo.

Tinawag niya itong digital assault na sumisira ng dignidad ng tao.

Ibinahagi ni Aquino na una niyang narinig mula sa kaibigan na nakita siya sa isang porn clip.

Nang malaman ang tungkol dito, nasuka siya, naguluhan, at nainis. Kalaunan ay nadama niya ang matinding galit at pagkadiri.

Read also

Angeline Quinto, na-inspire sa ginawang viral na TikTok video ni Marian Rivera

Paliwanag niya, pagiging celebrity ay hindi ibig sabihin na puwedeng lapastanganin o gamitin basta-basta ang kanilang imahe.

Nanawagan siya sa mga senador na higpitan ang cybercrime laws dahil mabilis ang kilos ng mga kriminal sa panahon ng AI.

Ayon pa sa kanya, bawat click at share ng deepfake content ay mas nagpapalala ng pinsala.

Kasama sa pagdinig si content creator Queen Hera na nagsabi na ang kanyang anak na babae ay ginawan din ng deepfake.

Natanggap niya ang mensahe na lumabas ang anak niya sa dark web.

Ayon kay Hera, nakita mismo niya ang larawan kung saan ginamit ang mukha ng anak sa isang malaswang imahe.

Tinawag niya itong hindi biro kundi isang seryosong paglabag sa dignidad at karapatan ng tao.

Sinabi ni Sen. Risa Hontiveros na isasama ang kanilang mga testimonya sa pagsusulong ng mas matibay na Expanded Safe Spaces Act.

Binanggit din niya na 95% ng deepfakes ay pornographic at karamihan ng biktima ay kababaihan at kabataan.

Read also

Ninakaw na wallet sa Dagupan, ibinalik may kasamang sulat ng sorry pero wala na ang pera

Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.

Ang mga balita, larawan, o video na nakakaantig ng interes ng mga netizen ay madalas nagiging viral sa social media dahil sa atensyon na ibinibigay ng publiko. Ang ganitong mga post ay kadalasang tumatama sa emosyon ng mga netizen, at sa ilang pagkakataon, maaari rin itong mangyari sa mga karaniwang tao, na mas nagiging relatable sa marami.

Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.

Read also

45-anyos na babae, patay matapos mahulog habang nagse-selfie sa halos 300-tampakan tsimenea

Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.

Source: KAMI.com.gh