Andi Eigenmann, naaliw nang mapanood si Philmar sa Netflix: "Sino ang makeup artist mo dito?"

• Si Andi Eigenmann ay labis na natawa at naaliw nang makita si Philmar Alipayo sa screen
• Na-feature kasi kamakailan ang kanyang fiancé sa Netflix docuseries na '1 in 7641'
• Sa Instagram, di napigilan ni Andi na biruin at tanungin si Philmar tungkol sa "makeup" nito
• Gayunpaman, hindi nakalimutan ni Andi na i-share kung saan mapapanood si Philmar

Si Andi Eigenmann, isang dating aktres sa lokal na aliwan, ay labis na natawa at naaliw matapos niyang makita ang kanyang fiancé na si Philmar Alipayo sa isang docuseries sa Netflix.

Sa kanyang Instagram, nagbahagi si Andi ng larawan ng kanilang TV kung saan makikita si Philmar na tampok sa Netflix docuseries na 1 in 7641, isang palabas na naglalayong "explore the Philippines' rich history, culture, and cuisine through the kaleidoscope of Filipino identity."

Aniya Andi, ang episode na kinabibilangan ni Philmar ay ang 'Board Culture.' Ngunit hindi niya napigilan na biruin si Philmar nang mapansin niya ang makapal na white cast sa mukha nito.

Read also

Bianca Gonzalez sa satire na 'GRWM Nepo Edition' video ni Macoy Dubs: "Paano ba 'to?"

"Sino ang makeup artist mo dito? Kapal ng makeup mo #ZincSunscreen," biro ni Andi sa kanyang online post, na malinaw na tumutukoy sa dami ng sunscreen na inilagay ni Philmar sa mukha.

Kasabay nito, masayang inanunsyo ni Andi ang pagkakasama ng fiancé niya sa nasabing docuseries. "@chepoxz has bits in the new @netflix series '1 In 7641' Episode BOARD CULTURE with @becomingfilipino and @titus_santucci!" aniya Andi sa kanyang viral na Instagram story.

Dahil dito, maraming netizens ang nagbigay ng pagbati kay Philmar sa kanyang exposure, habang hindi rin napigilang matawa sa nakakatawang banat ni Andi tungkol sa kanyang partner.

Si Andi Eigenmann ay isang Pilipinang aktres, modelo, at social media personality. Kilala siya sa kanyang mga papel sa mga teleserye at pelikula sa Pilipinas. Nagmula siya sa isang kilalang pamilya sa showbiz—ang kanyang ina ay ang beteranang aktres na si Jaclyn Jose, at ang kanyang ama ay si Mark Gil, isang batikang aktor. Nakilala si Andi sa kanyang pagganap bilang bida sa ABS-CBN fantasy drama na Agua Bendita. Sa mga nagdaang taon, lumayo na siya sa mainstream showbiz upang yakapin ang mas payapang pamumuhay sa isla. Lumipat siya sa Siargao kasama ang kanyang fiancé na si Philmar Alipayo, isang professional surfer, at ang kanilang mga anak.

Read also

Derek Ramsay, sumailalim sa wellness retreat sa Bali sa kabila ng lumabas na espikulasyon

Sa nakaraang ulat ng KAMI ay nagbigay ng paalala si Andi Eigenmann kamakailan lang sa kanilang customers. Ni-repost kasi ng dating aktres ang photo story ni @lagumlifestyle sa Instagram. Photo kasi ito ng ilang cups mula sa kanyang cafe and surf shop business sa isla. Dahil dito, agad na nag-air si Andi ng isang 'gentle reminder' para sa mga turista at customers nila.

Samantalang naging usap-usapan si Andi Eigenmann dahil sa naging reaksyon niya na sapul sa isang viral video. Kamakailan ay ibinahagi ni Stevie Eigenmann ang sorpresa nila para kay Andi na talagang nagpaantig sa maraming netizens. Kasama pa nga sa kanilang pagpaplano ang eldest ni Andi na si Ellie Ejercito. Nang maituloy na nila ang sorpresa na ito, talagang naiyak si Andi.

Source: KAMI.com.gh