Bianca Gonzalez sa satire na 'GRWM Nepo Edition' video ni Macoy Dubs: "Paano ba 'to?"

• Si Bianca Gonzalez ay napa-react kamakailan sa bagong satire video ni Macoy Dubs
• Sa Instagram, nag-post kasi si Macoy Dubs ng isang "GRWM Nepo Edition" na video
• Dito ay umarte si Macoy Dubs na tila may fine-flex siyang "Europe haul" umano
• Dahil dito, agad na napa-comment si Bianca tungkol sa pagbabayad ng taxes

Si Bianca Gonzalez, isang Kapamilya TV host, ay nagpasiklab ng diskusyon online matapos niyang mag-react sa bagong satire video ni Macoy Dubs sa opisyal na Instagram page nito.

Noong Thursday, August 28, nag-post si Macoy ng "Get Ready With Me Nepo Edition" video kung saan makikita siyang gumagawa ng "Europe haul" umano. Agad itong umani ng reaksyon mula kay Bianca, na nakipagpalitan pa ng komento kay Macoy Dubs sa comment section nito.

"Nakakaawa tayong lahat na kumakayod, paano ba 'to?" tanong ni Bianca, na agad namang sinagot ni Macoy Dubs ng, "Makes me sad, B. Every time I file my tax quarterly, then you hear news like that." Itinuloy pa nga ni Bianca ang kanilang pag-uusap at ibinahagi pa ang kanyang hinaing tungkol sa pagbabayad ng buwis at kung saan talaga sana ito dapat napupunta.

Read also

Dina Bonnevie, parang anak na ang turing kina Kristine Hermosa at Marc Pingris

"Ang sama sama ng loob ko every time nagbabayad ako ng tax tbh. I always wish na my tax can go directly to efficient public transport OR public healthcare. Pero wala. Kinukurakot," ani niya.

Sumang-ayon naman si Macoy Dubs sa kanyang pahayag at nagdagdag pa nga ng saloobin sa sinabi ni Bianca: "I feel you! Na sana napupunta sa maayos na classroom? Yung mga ganun."

Dahil dito, maraming netizens ang naka-relate sa saloobin ni Bianca at Macoy, lalo na pagdating sa isyu ng buwis at korapsyon. Ang kanilang simpleng palitan ng komento ay nagsilbing boses para sa marami na matagal nang nananawagan ng mas maayos na paggamit ng kaban ng bayan.

Panoorin ang video sa ibaba:

Si Bianca Gonzalez-Intal ay isang sikat na Filipina television host, model, at advocate. Nakilala siya sa pamamagitan ng pagho-host sa iba't ibang programa. Kalaunan ay naging regular host siya ng sikat na Pinoy Big Brother franchise. Higit pa sa kanyang career sa telebisyon, kilala rin si Bianca sa kanyang mga advocacies. Noong 2010, siya ay hinirang bilang UNICEF Philippines Child Rights Supporter. Samantalang sa kanyang personal na buhay, pinakasalan niya ang professional basketball player na si JC Intal noong December 2014, at mayroon silang cute na dalawang anak.

Read also

News anchor Julius Babao, nagbigay ng pasasalamat sa kanyang “tunay na kaibigan”

Sa nakaraang ulat ng KAMI ay nagkaroon ng pagkakataon si Bianca Gonzalez na makapanayam ang actress-singer na si Maris Racal. Sa kanyang podcast na Paano Ba 'To, ibinahagi ni Bianca ang matatag na paglalakbay ni Maris sa showbiz. Matapos ang kanilang interview, nagpunta si Bianca sa Instagram at inalala ang unang pagkikita nila ni Maris. Hindi na nakapagtataka na agad naging viral ang post ni Bianca sa mga netizens at fans ni Maris.

Samantalang naging emosyonal si Bianca Gonzalez sa social media. Kamakailan, nag-post si Bianca tungkol sa kanyang taos-pusong muling pagkikita kasama sina Mariel Padilla at Toni Gonzaga, ang dati niyang mga co-host. Ayon kay Bianca, talagang naging "soft" siya dahil sa matagal na niyang inaantay na reunion. Bukod dito, hindi rin napigilan ng mga netizens ang pagbalik ng matinding nostalgia nang makita ang kanilang larawan.

Source: KAMI.com.gh