Tribute ni Ara Davao para sa kanyang yumaong ama na si Ricky Davao, nagpaantig online

Saturday, August 30, 2025 at 10:10 AM

by Chris Franco

3 min read

Si Ara Davao ay nagpaiyak ng maraming netizens dahil sa kanyang bagong tribute
Sa Instagram niya, nag-post kasi si Ara ng tribute para sa kanyang yumaong daddy
Marami ang naka-witness uli ng pagiging close ni Ricky Davao sa kanyang mga anak
Dahil dito, marami ang talagang napa-comment sa tear-worthy reel na ito ni Ara online

MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!

Si Ara Davao, ang anak ni Ricky Davao, ay nagpaiyak ng maraming netizens matapos siyang mag-post ng taos-pusong tribute para sa kanyang yumaong ama sa Instagram nitong Friday.

Tribute ni Ara Davao para sa kanyang yumaong ama na si Ricky Davao, nagpaantig online (@aradavao)
Source: Instagram

Sa kanyang Instagram account, ibinahagi ni Ara ang isang reel na naglalaman ng mga alaala nila ng kanyang yumaong ama. Mula sa kanilang mga paglalakbay, hanggang sa mga simpleng selebrasyon ng pamilya, ipinakita ni Ara kung gaano sila kalapit ni Rikki Mae sa kanilang daddy.

Mas naging emosyonal pa nga ang video dahil sa ginamit nitong background music — ang tear-worthy song ni Maki na Kahel na Langit. Kasabay ng reel, lumabas din ang ilang lyrics mula sa kanta na ito ng OPM singer: "Minsan gusto kong magsumbong sayo kapag pagod na pagod na ako. Tama pa bang init ng yakap mo ang hinahanap ko?" ang nakasulat sa viral na reel ni Ara online.

Read also

Pokwang, nakatanggap ng sweet birthday message mula sa kanyang anak na si Mae Subong

Sa kanyang caption, nag-iwan si Ara ng maikli pero puno ng pagmamahal na mensahe tungkol sa mga taong may nami-miss sa kanilang buhay: "For anyone missing someone a little extra today."

PAY ATTENTION: Follow us on Instagram - get the most important news directly in your favourite app!

Dahil dito, bumuhos ang mga komento mula sa mga netizens na nakiramay sa kanya:

"Sending my love and strength sayo Ara and the rest of the fam."

"Masakit talaga mawalan ng mahal sa buhay, lalo na dad mo kasi irreplaceable siya."

"I love the way your remember the good memories of your dad. He is irreplaceable."

"That's why I watch Sang'gre every weeknights. I'd like to see your dad and pretend he's still here."

"Ara, your dad is a great actor, one of a kind. This saddens me also. I hope you're keeping yourself. Take your time for the healing and recovery."

Dahil sa nakakaiyak na tribute na ito, ipinaalala ni Ara kung gaano kahalaga ang pagbabalik-tanaw sa mga alaala kasama ang mga mahal sa buhay — at kung gaano man kahirap ang pagkawala, ang pagmamahal ay mananatili sa puso ng mga pamilya o kaibigan ng yumao.

Read also

Mayor Vico nagsalita sa isyu ng paid interviews: “Kailangan aminin natin ’yong problema”

Panoorin ang video sa ibaba:

Si Ricky Davao ay isang Filipino aktor at TV director na ang karera ay umabot ng ilang dekada. Kabilang sa kanyang mga kapuri-puring pagganap ang mga pelikulang Abot Hanggang Sukdulan, Saranggola, at Ipaglaban Mo: The Movie, na nagbigay sa kanya ng parangal mula sa mga award-giving bodies. Higit pa sa pag-arte, malaki rin ang kanyang naging ambag bilang isang direktor. Sa kanyang personal na buhay, minsan siyang ikinasal sa aktres na si Jackie Lou Blanco, at nagkaroon sila ng tatlong anak bago naghiwalay noong 2011. Sa kabila ng kanilang paghihiwalay, nanatili silang may magandang ugnayan at muling nagsama sa isang proyekto noong 2021.

Sa nakaraang ulat ng KAMI ay lubos na naantig ang puso ng marami sa post ng anak ni Ricky Davao na si Rikki Mae. Sa Instagram, nagbahagi si Rikki Mae ng kanyang saloobin tungkol sa masakit na pagkawala ng kanyang ama, na nag-iwan ng malaking puwang sa kanilang puso. Ayon sa anak ng yumaong aktor, "My biggest fear has always been to lose a loved one."