BINI Gwen sa "no sugar turon" isyu sa kanya: "lumaki akong walang sugar ‘yung turon"
- Nakapanayam ni Ogie Diaz si BINI Gwen Apuli kung saan nausisa nito ang reaksyon ng BINI member ukol sa ilang kinaharap nilang kontrobersiya
- Isa na rito ay ang tungkol sa panghuhusga umano kay Gwen sa kanyang naging reaksyon sa Turon
- Matatandaang ito ay mula sa "People vs. Food" episode na tampok ang BINI at sumubok sila ng iba't ibang Pinoy food
- Aminadong naaapektuhan siya sa mga komento ng ilan subalit mas nasaktan siya nang mismong ang kanyang pamilya lalo na ang kanyang ina ang naapektuhan
MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!
Nakapanayam ni Ogie Diaz si Gwen Apuli ng P-pop girl group na BINI kung saan tinalakay nila ang ilang kontrobersiyang kinaharap ng dalaga, kabilang na ang isyu tungkol sa kanyang reaksyon sa turon na naging usap-usapan online.

Source: Youtube
Matatandaang nagsimula ang diskusyon mula sa episode ng “People vs. Food” kung saan tampok ang BINI habang sinusubukan nila ang iba’t ibang pagkaing Pinoy. Sa nasabing episode, umani ng komento si Gwen matapos niyang sabihin na hindi siya kumakain ng turon na may asukal.
Nilinaw naman ni Gwen na sanay siya sa turon na walang asukal dahil ito ang nakagisnan niya sa kanilang lugar sa Bicol:
“Oo, sanay talaga po ako sa turon na walang sugar. Kasi as in lalo kung taga-Bicol po. Mostly, hindi ko po nilalahat, siyempre iba-iba pa rin, mostly talaga sa Bicol, lumaki akong walang sugar ‘yung turon,” paliwanag ng singer.
PAY ATTENTION: Follow us on Instagram - get the most important news directly in your favourite app!
Aminado si Gwen na naaapektuhan siya ng mga negatibong komento, lalo na noong nagsimulang lumala ang diskusyon online:
“Well ako po, actually tina-try ko po talaga ‘yung best ko na ‘wag magbasa. Kasi hindi ko in-expect na gano’n pala siya lumala.”
“Nakaka-affect po talaga siya… ‘Pag bago siyempre yung emotions bago yung ano sa’yo… Lahat nahahalungkat, na-judge ka na ng lahat ng tao, maarte ka sa pagkain, mahirap ka lang naman noon, gano’n na ‘yung sinasabi mo.”
Bagama’t nasaktan siya sa mga komento, mas sumama ang loob ni Gwen nang maapektuhan na ang kanyang pamilya, lalo na ang kanyang ina:
“Pero feeling ko mas nasaktan ako nu’nung naa-affect na tin ‘yung family ko, ‘yung ibang relatives ko po. Gusto niya po talagang sumagot, as in. Syempre du’n po tayo mahe-hurt ‘pag di ba kakilala po natin.”
Narito ang kabuuan ng kanilang talakayan mula sa Ogie Diaz Inspires YouTube channel:
Si Gwen Apuli ay unang nakilala bilang housemate ng Pinoy Big Brother: Connect noong 2021 bago siya naging bahagi ng BINI, Tinagurian silang 'Nation's Girl Group' ng bansa na sumikat sa mga awiting “Pantropiko” at “Karera.” Sa kasalukuyan, abala si Gwen sa sunod-sunod na concert tours, international performances, at recording projects kasama ang BINI. Kilala rin siya sa social media bilang isa sa mga pinaka-expressive at relatable na miyembro ng grupo, dahilan upang mas lalong mahalin ng kanilang fans.
Matatandaang minsan nang napuri ni Karen Davila ang grupo. Bukod umano sa husay ng mga ito sa kanilang larangan, kahanga-hanga ang kwento ng buhay ng bawat isa bago nila matamasa ang tagumpay ngayon. Sa naturang panayam din ni Karen sa grupo, naikwento ni Sheena ang pagpanaw ng ina sa kalagitnaan ng pandemic habang siya ay nasa training Star Hunt Academy.
Samantala, sa parehong panayam ni Ogie Diaz kay BINI Gwen, natalakay din nila ang tungkol sa muling nagba-viral na video niya na kumakain sa loob ng PBB house. Natatawang nag-react si Gwen sa naturang video.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh