Gigi de Lana, ibinahagi ang personal na laban sa bulimia

• Gigi de Lana, nagkuwento tungkol sa kanyang pinagdaanang bulimia sa isang vlog interview
• Nilinaw rin ng singer ang mga isyu gaya ng pregnancy, paggamit ng ilegal na droga, at pagkakadikit sa pangalan ni Gerald Anderson
• Aminado si Gigi na dumaan siya sa maling eating habits na labis na nakaapekto sa kanyang kalusugan
• Masaya siyang makapagsabing nakarekober na siya at mas pinipili ang healthy lifestyle ngayon

Ibinahagi ni Gigi de Lana ang isang sensitibong bahagi ng kanyang buhay matapos niyang aminin na minsan siyang nakipaglaban sa eating disorder na bulimia. Sa isang panayam kasama si Julius Babao para sa kanyang vlog, buong tapang na ikinuwento ng singer kung paano siya nahulog sa maling gawi sa pagkain at kung paanong unti-unti niyang naiahon ang sarili tungo sa mas malusog na pamumuhay.

Bukod sa pagbubukas tungkol sa kanyang personal na kalagayan, nilinaw rin ni Gigi ang ilang isyu na kumalat sa social media. Isa na rito ang spekulasyon tungkol umano sa kanyang pagbubuntis. “I’m not pregnant. With who?” biro niyang sagot habang natatawa. Tinukoy rin sa usapan ang tsismis na inuugnay siya kay Gerald Anderson, na agad niyang tinuldukan sa pagsasabing, “Opo. Napakabait na tao si Ge. Napakasarap niyang katrabaho kasi marami rin akong natutunan sa kanya bilang artista. Very humble and very sweet siya sa lahat.”

Read also

K-Drama 'Mary My Husband' star Song Ha Yoon, kinasuhan dahil umano sa school bullying

Sa parehong panayam, itinanggi rin ng singer ang akusasyong may kaugnayan siya sa ipinagbabawal na gamot. “No. Ang pinaka-drvgs ko lang ngayon ay ‘yung cats ko. My cats. Foodie din kasi ako,” ani Gigi, sabay biro.

Ngunit naging mas seryoso ang usapan nang buksan niya ang kanyang karanasan sa bulimia. “I love food. I really love food. Kaso kasi noong time, may mga nagsasabi kasi sa akin na ang taba mo na, tumataba ka na, ang taba mo. ‘Yun ‘yung time na sinasabi healthy ang katawan ko. Actually doon sa sinasabi na healthy ang katawan ko that time, no. I’m not. I’m not healthy noong time na ‘yon, kasi mayroon akong bad eating habit… I’m bulimic po noong time na ‘yon,” aminado niyang pahayag.

Ayon pa sa kanya, hindi agad niya napagtanto ang bigat ng epekto ng kanyang gawi. “I want to eat what I want as many as I can and then isusuka ko siya… pero it’s really bad,” dagdag niya.

Read also

Bianca Gonzalez naglabas ng saloobin ukol sa inequality at corruption sa bansa

Sa kabila ng matinding pagsubok na ito, masaya si Gigi na tuluyan na niyang naiwan ang nakaraang karanasan. “I’m happy na hindi na po ako ganoon. Yey!… Now, I’m healthier,” proud niyang pahayag. Sa ngayon, mas pinipili na niya ang balanseng pagkain, kontrolado at mas maingat na lifestyle, at regular na ehersisyo upang mapanatili ang magandang kalusugan.

Kasabay ng kanyang pagbabalik-tanaw, ipinagpatuloy din ni Gigi ang kanyang career sa musika. Kamakailan ay inilabas niya ang bagong single na “Ulap,” isang collaboration kasama ang sikat na bandang Ben&Ben.

Si Gigi de Lana ay unang nakilala sa kanyang mga online performances at kalaunan ay nakapagpasok sa mainstream music scene. Bukod sa kanyang husay sa pagkanta, naging bahagi rin siya ng ilang acting projects kung saan nakasama niya ang malalaking pangalan sa industriya. Sa kabila ng kanyang popularidad, nanatiling bukas si Gigi sa kanyang personal na laban—isang bagay na mas nagpalapit sa kanya sa kanyang mga tagahanga.

Read also

Babae sa Davao City kinagat ng sawa habang mahimbing na natutulog

Noong nakaraan, lumabas ang isyu tungkol sa umano’y relasyon nina Gerald Anderson at Gigi de Lana. Ngunit agad itong pinasinungalingan ni Ogie Diaz na nagsabing walang katotohanan ang naturang haka-haka. Ayon kay Diaz, hindi tama ang mga kumakalat na tsismis na nag-uugnay sa dalawa.

Samantala, muling idinamay sa isang malicious post sina Julia Barretto, Marjorie Barretto, Gerald Anderson, at Gigi de Lana. Sa ulat ng Kami, pinabulaanan ni Ogie Diaz ang nasabing post at ipinunto na gawa-gawa lamang ito para magdulot ng kalituhan. Ipinaalala niyang maging maingat ang publiko sa paniniwala sa mga pekeng impormasyon na kumakalat online.

Source: KAMI.com.gh