Ruffa Gutierrez, may matinding dahilan kung bakit hindi siya naniniwala sa live in relationships

• Actress Ruffa Gutierrez muling nilinaw na hindi niya kinokonsidera ang live in bilang bahagi ng isang relasyon
• Sa isang panayam sa vlog ni Anna Magkawas, sinabi ni Ruffa na mas mahalaga sa kanya ang personal space upang mapanatili ang excitement sa relasyon
• Nanindigan siya na ang pagsasama sa iisang bubong ay dapat mangyari lamang kapag kasal na, at ibinahagi ang sariling karanasan noong lumipat siya sa Istanbul para sa kanyang dating asawa
• Giit ni Ruffa, mas epektibong paraan para makilala ang isang partner ang mag-travel nang magkasama kaysa sa mag-live in bago ang kasal

Nanindigan si Ruffa Gutierrez na hindi kailanman para sa kanya ang konsepto ng live in. Sa kanyang guesting sa vlog ng businesswoman na si Anna Magkawas, diretsahang sinabi ng aktres na mas gusto niya ang pagkakaroon ng personal na espasyo sa relasyon para manatiling exciting ang pagsasama.

“Well, I need my space. Pwede naman sleepovers. Live in kasi is you’re living with someone like a married couple. I personally need my space, so I don’t wanna see my jowa every day, all day – morning, tanghali, gabi. After six months, baka inaaway ko na siya,” paliwanag ni Ruffa.

Read also

Isabel Oli, ibinida ang bonggang '5 Hub Building' ng pamilya ni John Prats

Ayon pa sa kanya, mas mainam na nakikita ang isa’t isa nang may pagitan ng araw o linggo para laging may excitement. “Every time you see the person ay excited ka, naghahanda ka, nagpapaganda ka,” dagdag niya.

Habang ipinaliwanag ni Magkawas na para sa iba, magandang “testing ground” ang live in para makilala ang ugali ng partner, nanindigan si Ruffa na mas epektibo ang pagtatravel bilang paraan. “I think you’ll see that when you travel together kasi makikita mo how he treats people, swak ba kayo or hindi,” ani ng aktres.

Muli rin niyang ipinaalala na ang pag-live in para sa kanya ay dapat mangyari lamang sa ilalim ng kasal. “Kaya ako, ayaw ko makipag-live in, kasi kung hindi naman ako asawa, why will I act like a wife? If we’re married, then we can live together,” ani ng aktres.

Binalikan din ni Ruffa ang kanyang desisyon noong lumipat siya sa Istanbul para sa kanyang dating asawa na si Yilmaz Bektas. “I was at the height of my career then, I had three shows. And then nung nag-propose na siya, I decided to focus 200% on my family and then I left my career behind in the Philippines,” pagbabahagi niya.

Read also

Ruffa Gutierrez nang imbitahan ni Mavy Legaspi sa 50th ng ina niya: "I knew I couldn't miss it"

Hindi rin ito ang unang pagkakataon na nilinaw ni Ruffa ang kanyang pananaw sa live in setup. Noong nakaraang Hunyo, sa panayam kay Boy Abunda, sinabi rin niya: “I’ve never lived with a person. Hindi ako naniniwala sa live in. Kaya ‘yung mga relasyon ko nagtatagal kasi may space.”

Si Ruffa Gutierrez ay kilalang aktres, host, at beauty queen na naging Miss World 2nd runner-up noong 1993. Isa siya sa mga anak ng celebrity couple na sina Annabelle Rama at Eddie Gutierrez. Bukod sa kanyang showbiz career, naging usap-usapan din ang kanyang personal life, kabilang ang kasal at paghihiwalay niya sa Turkish businessman na si Yilmaz Bektas. Sa kabila ng mga kontrobersya, nanatiling matatag si Ruffa sa pagtataguyod sa kanyang dalawang anak na sina Lorin at Venice, habang patuloy ring aktibo sa telebisyon at pelikula.

Kamakailan lamang, nagbigay-pugay si Ruffa Gutierrez kay Marjorie Barretto matapos ang pagtatapos nito sa kolehiyo sa edad na 51. Sa kanyang Instagram post, pinuri ni Ruffa si Marjorie bilang inspirasyon para sa maraming kababaihan na nais pa ring ipagpatuloy ang kanilang edukasyon kahit abala sa pamilya at trabaho.

Read also

Rufa Mae Quinto, nag-post ukol sa "celebration of life" para sa mister niya

Samantala, naging usap-usapan din ang hindi pagdalo ni Ruffa sa 50th birthday celebration ng ina ni Mavy Legaspi. Sa panayam, inamin ng aktres na mahirap tanggihan ang imbitasyon ngunit ipinaliwanag niyang may personal na dahilan kung bakit hindi siya nakarating. Pinakita nito ang respeto at pagiging maingat ni Ruffa sa mga personal na commitments.

Source: KAMI.com.gh