Ice Seguerra, inalala ang huling araw na nakasama ang ina: "Yun na pala ang huli"

Wednesday, August 06, 2025 at 8:20 PM

by Chris Franco

3 min read

Patutuloy pa rin sa pagluluksa si Ice Seguerra sa pagpanaw ng kanyang ina
Sa Instagram, nag-post ang OPM singer ng lumang selfie nila ni Mommy Caring
Kalakip nito ay ang nakakaantig na letter ukol sa pagpanaw nito ngayong taon
Aniya nga ni Ice, hanggang ngayon daw ay labis pa rin ang sakit na nadarama niya

PAY ATTENTION: stay informed and follow us on Google News!

Si Ice Seguerra, isang batikang icon sa mundo ng OPM, ay muling pinaiyak ang netizens matapos niyang ibahagi ang isang emosyonal na post tungkol sa kanyang yumaong ina, si Caridad "Caring" Seguerra. Sa kanyang Instagram post noong Tuesday, August 5, ibinahagi ni Ice ang isang selfie nilang mag-ina, kalakip ang isang taos-pusong liham na puno ng lungkot at pangungulila.

Ice Seguerra, inalala ang huling araw na nakasama ang ina: "Yun na pala ang huli" (@iceseguerra)
Source: Instagram

"Tomorrow will be the 40th day since I last saw you. Minsan, hindi pa rin ako makapaniwala na wala ka na, na hindi na kita makikita. Na gigising ako na wala na akong nanay," panimula ni Ice sa kanyang caption, na agad na tumagos sa puso ng kanyang mga tagasubaybay sa naturang app.

Read also

75-anyos na babaeng naiulat na nawawala sa Las Vegas, natagpuang naaagnas na

Hindi rin niya napigilang alalahanin ang huling araw na kasama niya si Mommy Caring.

"Naaalala ko pa yung huling araw na kasama kita. Ni hindi dumapo sa isip ko na yun na pala ang huli. Huling araw na makikitang naglalakad, huling araw na mahahawakan, huling araw na mayayakap. Hindi pa rin ako makapaniwala na ganoon lang kabilis," dagdag pa niya sa post.

Like and share our Facebook posts to support the KAMI team! Share your thoughts in the comments. We love reading them!

Aminado si Ice na hanggang ngayon ay hindi pa rin nawawala ang sakit na nararamdaman niya.

"Ang sakit pa rin, mama. Ang hirap pa rin tanggapin. Kahit may mga araw na parang normal, bigla akong sasampalin ng katotohanan. Katotohanang kahit gusto kitang makita, wala nang pag-asang mangyayari pa iyon," ani ng OPM singer sa kanyang viral na post sa photo app.

Sa dulo ng kanyang mensahe, ibinahagi ni Ice ang tanging hiling niya patungkol sa kanyang ina, "Sana sa panaginip, kahit saglit, makasama kita ulit. Miss na miss ko na ang lambing mo."

Read also

Anak ni Ai-Ai Delas Alas, nag-react sa pasabog na red carpet walk niya sa GMA Gala

Marami ang naantig sa post na ito ni Ice, at bumuhos ang mga mensahe ng pakikiramay at suporta mula sa kanyang mga tagahanga at kaibigan sa industriya. Muli niyang naipaalala sa lahat kung gaano kahalaga ang mga sandaling kasama ang ating mga magulang o pamilya.

Si Ice Seguerra ay isang sikat na aktor at singer sa industriya ng showbiz sa Pilipinas. Nagsimula ang kanyang karera bilang child star sa segment na 'Little Miss Philippines' sa Eat Bulaga!, at mula noon ay lumabas na siya sa mga pelikula at palabas sa telebisyon, kabilang ang sikat na Okay Ka, Fairy Ko!. Bukod sa husay niya sa pag-arte, kilala rin siya bilang singer-songwriter. Samantalang noong 2014, nagbago ang kanyang opisyal na pangalan mula Aiza Seguerra patungong Ice Seguerra at ibinunyag na nga niya sa publiko ang pagiging transgender niya.

Sa nakaraang ulat ng KAMI ay nagpaiyak si Ice Seguerra ng ilang mga netizens sa social media. Kamakailan lang ay nagsulat kasi si Ice ng nakakdurog-puso na mensahe sa Instagram. Ito ay para sa kanyang pinakamamahal na Mommy Caring na pumanaw noong June 27. Ani pa nga ni Ice sa kanyang post sa Instagram, "Ang hirap mama. Tulungan mo akong kayanin 'to ha?"