Netizens, napaisip kung pano napapayag ni Alex Gonzaga ang kanyang pamilya sa 'Barbie' trend

• Si Alex Gonzaga ay labis na inaliw ang mga netizens sa kanyang panibagong post
• Nakumbinsi kasi nito ang kanyang buong pamilya na kumasa sa viral na 'Barbie' trend
• Sapul sa video ang pagiging wacky ng mga "haligi ng tahanan" na kinaaliwan ng marami
• Aniya tuloy ng netizens, pano raw kaya nakumbinsi ni Alex ang kanyang pamilya

Si Alex Gonzaga, isang actress-vlogger, ay pinatunayan ang kanyang kakayahang magpatawa matapos niyang mahikayat ang buong pamilya na sumali sa viral na 'Barbie' trend sa social media. Noong Sunday, August 3, ibinahagi ni Alex ang nakakatuwang video sa kanyang Instagram , kasama ang isang witty caption: "Tell me the youngest always gets what she wants without telling me. The bunso is me!"

Sa nasabing video, makikitang nakasuot ng mga hoodie at cap sina Alex, Toni, at Mommy Pinty Gonzaga habang nagpapakitang-gilas sa kanilang tough look. Sa kabilang banda, ang mga kalalakihan sa kanilang pamilya — sina Daddy Bonoy Gonzaga, Paul Soriano, at Mikee Morada — ay todo bigay sa paggawa ng mga nakakatawang kilos at sayaw sa harap ng camera.

Read also

Heart Evangelista, masaya sa paggaling ng kanyang mga alaga mula sa leptospirosis

Hindi mapigilan ng mga netizens ang matawa at humanga sa talento ni Alex sa "panghihikayat." Sa comment section ng post, nagsimula ang kulitan ng mga fans:

"Wow! Milagro, sumasayaw na si Paul."

"Si Sir Mikee ganyan lang siya pero enjoy yan."

"Ang galing mo nga manghikayat, lahat naman sila very supportive."

"HAHAHAHAHA Kanina pa ako tawa ng tawa kay Daddy Bonoy grabe!"

"At paano kaya nila napipilit ang mga haligi ng tahanan na gawin ito haha."

"Hahaha wala na, pati si Direk Paul nahatak mo na talaga mag-TikTok. Di ko ma-imagine na kaya niya rin pala kasi napakaseryosong tao eh nakakatuwa."

Patunay ito na kahit abala at seryoso sa kanilang mga propesyon ang mga miyembro ng pamilya Gonzaga, hindi sila nawawalan ng panahon para sa kasiyahan at pagsuporta sa isa't isa. Isa na namang viral moment ang naidagdag ni Alex sa kanyang koleksyon, at mukhang marami pa ang aabangan mula sa kanya at sa kanilang pamilya sa mga susunod na araw.

Read also

Video ng masayang chikahan nina Heart Evangelista at Marian Rivera sa GMA Gala 2025, viral

Panoorin ang video sa ibaba:

Si Alex Gonzaga, na ipinanganak bilang Catherine Mae Cruz Gonzaga, ay isang sikat na Filipina actress, TV host, vlogger, at singer. Bukod sa kanyang trabaho sa showbiz, isa rin si Alex sa mga top YouTubers sa Pilipinas. Kadalasang tampok sa mga video niya ang kanyang pamilya, kabilang na ang kanyang kapatid na si Toni Gonzaga at ang kanyang asawa na si Mikee Morada.

Sa nakaraang ulat ng KAMI ay muling nag-viral si Alex Gonzaga dahil sa kanyang reaksyon kay Zeinab Harake. Kamakailan lang ay nag-post kasi si Zeinab ng naggagandahang beach photos niya. Agad naman itong umani ng samu't-saring reaksyon at komento mula sa mga fans .Ngunit ang comment talaga ni Alex ang nagpatawa sa marami.

Samantalang ay muling kinagiliwan si Alex Gonzaga dahil sa kanyang online post. Sa Instagram, ibinida ni Alex ang matching PJs nina Seve at Polly na kanyang pasalubong. Ngunit ang pumukaw sa atensyon ng marami ay ang pagpapaalam ni Alex sa kanyang ate. Aniya Alex, sana raw ay mahiram niya si Baby Polly na kinaaliwan ng marami.

Source: KAMI.com.gh