Vice Ganda, nagpahayag ng suporta kay Awra Briguela sa gitna ng kontrobersiya

• Nagpasalamat si Awra Briguela kay Vice Ganda sa pagtulong upang makapagtapos siya ng senior high school
• Nagkomento si Vice sa post ni Awra na dapat lamang itong mag-focus sa kanyang tagumpay at huwag pansinin ang ingay
• Sa parehong panahon, umani ng kontrobersiya ang paggamit ng “her” sa ulat tungkol kay Awra na kinuwestiyon ni content creator Sir Jack
• Sa kabila ng isyu, pinatunayan ni Awra na hindi siya magpapaapekto at patuloy ang kanyang paninindigan sa kanyang identidad

Nagbahagi si Awra Briguela ng isang appreciation post para sa “It’s Showtime” host na si Vice Ganda. Ito ay bilang pasasalamat sa tulong at suporta ng komedyante sa kanyang pagtatapos sa senior high school. Sa naturang post, inilahad ni Awra kung gaano kalaki ang naging ambag ni Vice sa kanyang pag-aaral at personal na paglago.

Hindi rin nagpahuli si Vice Ganda sa pagbibigay ng mensahe para kay Awra. Sa kanyang komento, sinabi ni Vice, "Congratulations!!!! Never mind the noise. Focus on your win. Love u!"—isang malinaw na mensahe ng suporta sa gitna ng mga kontrobersiyang kinahaharap ni Awra online. Agad namang sinagot ito ni Awra ng, “I love you so much My lovely Muder,” na nagpapakita ng matibay nilang ugnayan hindi lamang bilang magkaibigan kundi bilang tunay na pamilya sa industriya.

Kasabay ng masayang balita ng graduation ni Awra ay ang muling pagputok ng isyu ng misgendering online. Isa sa mga naging laman ng balita ay ang reaksyon ng content creator na si Sir Jack Argota sa paggamit ng panghalip na “her” sa ulat ng ABS-CBN tungkol sa aktres. Sa kanyang Facebook post, pabirong sinabi ni Sir Jack: “Anong her? Goodluck bro!”—na agad namang nakatanggap ng batikos mula sa LGBTQIA+ community.

Dahil dito, lalong lumutang ang kahalagahan ng suporta ni Vice sa gitna ng mapanghusgang komentaryo. Bagama’t sinubukang bumawi ni Sir Jack sa mga sumunod niyang post, gaya ng pagbati kay Awra at pag-amin na mahal niya ito, hindi pa rin ito nakaligtas sa puna. Ayon sa marami, hindi simpleng biro ang isyu ng gender identity at dapat itong igalang.

Si Awra Briguela ay unang nakilala sa kanyang breakout role sa teleseryeng Ang Probinsyano, at mula noon ay naging mahalagang bahagi ng LGBTQIA+ visibility sa mainstream media. Sa murang edad, naging bukas siya sa kanyang identidad at ginamit ito upang magbigay-inspirasyon sa iba. Malaki rin ang papel ni Vice Ganda sa kanyang buhay bilang mentor at tinuring na “Muder.” Sa isang konserbatibong lipunan, ang tagumpay ni Awra sa edukasyon at paninindigan sa kanyang sarili ay patunay na ang representasyon ay mahalaga.

Ipinahayag ni Awra Briguela ang kanyang inspirasyong mensahe matapos makapagtapos sa senior high school. Ayon sa kanya, ito ay simula pa lamang ng kanyang journey at nais niyang ipagpatuloy ang pag-abot sa kanyang mga pangarap. Naging simbolo ito ng determinasyon at lakas ng loob sa kabila ng mga pagsubok.

Nagbigay naman ng payo si Ogie Diaz kay Awra Briguela kaugnay ng kontrobersiya tungkol sa misgendering. Ayon sa kanya, mas mainam na piliin ni Awra ang mga laban na dapat harapin at manatiling positibo. Binanggit din niya ang kahalagahan ng pagiging matatag sa harap ng mga mapanirang salita.

Source: KAMI.com.gh