Luis Manzano, nakiusap kay Jessy Mendiola dahil sa binigay ni Peanut: "Sana kausapin mo anak natin"

Luis Manzano, nakiusap kay Jessy Mendiola dahil sa binigay ni Peanut: "Sana kausapin mo anak natin"

  • Muli na namang nagdala ng good vibes si Luis Manzano sa social media
  • Sa Instagram, ipinost ni Luis ang inabot sa kanya ni Baby Rosie na laruan
  • Nang tanungin naman ni Luis kung ano ito, tila naloka siya sa sagot ni Peanut
  • Agad namang natawa ang mga netizens sa kwento na ito ng TV host

MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!

Si Luis Manzano, kilalang Kapamilya TV host, ay muling nagdala ng good vibes sa social media matapos niyang ibahagi ang isang nakakatuwang karanasan kasama ang kanyang anak na si Isabella Rose Manzano, o mas kilala ng maraming netizens bilang Baby Peanut online.

Luis Manzano, nakiusap kay Jessy Mendiola dahil sa binigay ni Peanut: "Sana kausapin mo anak natin"
Luis Manzano, nakiusap kay Jessy Mendiola dahil sa binigay ni Peanut: "Sana kausapin mo anak natin" (@luckymanzano)
Source: Instagram

Sa isang Instagram post noong Tuesday, July 15, nag-upload si Luis ng litrato ng kanyang kamay na may hawak na maliit na laruan — isang yellow-colored toy ice cream na nasa cone pa nga.

Ngunit ang kwento sa likod ng laruan ang siyang ikinatawa ng maraming netizens sa Instagram. Ayon kay Luis, ibinigay raw ni Baby Peanut ang laruan sa kanya, at tinanong niya ito kung anong flavor ng ice cream iyon. Laking gulat na lamang niya nang sagutin siya ni Peanut ng "mango."

Sa kanyang caption, tinag pa nga ni Luis ang kanyang misis na si Jessy at biniro ito na kausapin sana ang kanilang anak. "Binigyan ako ni @isabellarosemanzano ng ice cream, tinanong ko anong flavor... sabi niya mango. Sana kausapin mo @jessymendiola anak natin," aniya Luis.

PAY ATTENTION: Follow us on Instagram - get the most important news directly in your favourite app!

Agad na umani ng tawa ang post na ito ni Luis mula sa kanyang followers na talagang aliw na aliw sa kwento ng TV host. Ilan lamang sa mga nakakaaliw na komento ng netizens ay:

"Matalinong bata."
"Yung napa-isip ako pero na-gets ko naman."
"Kapag kami nagsabi niyan, pwede mo kami awayin."
"Naku po, lagot Peanut. Sana sinabi mo na lang na cheese flavor."
"Bakit po need kausapin ni Madam Jessy si Rosie? Mali po ba ang flavor?"

Muling pinatunayan ni Luis na bukod sa kanyang husay sa hosting, ay natural din siyang komedyante sa totoong buhay — lalo na bilang isang hands-on at cool na tatay kay Baby Rosie.

Si Luis Manzano ay isang Filipino actor, comedian, at TV host. Siya ay nagmula sa isang pamilyang matagal nang bahagi ng showbiz, bilang anak ng mga batikang artista na sina Edu Manzano at Vilma Santos. Kilala siya sa pagho-host ng maraming sikat na programa ng ABS-CBN, kabilang ang Pilipinas Got Talent, Kapamilya, Deal or No Deal, at Minute to Win It. Bukod sa pagho-host, gumanap din si Luis sa iba't ibang serye sa telebisyon at mga pelikula. Sa kanyang personal na buhay, siya ay kasal kay Jessy Mendiola, at mayroon silang anak na si Isabella Rose.

Sa nakaraang ulat ng KAMI ay ibinahagi ni Luis Manzano ang isang nakakaantig na karanasan niya. Sa Instagram, ni-repost ni Luis ang isang moment sa kanyang vlog na ikinatuwa ng marami. Noong siya ay nasa Hong Kong kamakailan lang, may isang Pilipino na tumulong sa kanya. Marami naman ang natuwa sa pagiging thankful ni Luis sa tulong ni kabayan.

Samantalang naging usap-usapan muli si Luis Manzano sa social media. Kamakailan lang ay shinare kasi ng kilalang actor-host sa Instagram ang tungkol sa "new family" niya. Napansin naman ito ng kanyang matalik na kaibigan na si Nikki Gil na agad napa-comment sa post. Agad din namang napansin ni Luis ang iniwang komento ni Nikki sa kanyang viral post.

Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!

Source: KAMI.com.gh

Authors:
Chris Franco avatar

Chris Franco