Video ng pagkikita nina Janine Gutierrez at ng anak ni Jericho Rosales sa isang event, viral

• Nag-viral kamakailan lang si Janine Gutierrez at ang anak ni Jericho Rosales
• Sa isang TikTok video, makikitang binati ng dalawa ang isa't isa sa isang event
• Bukod sa candid at casual nilang pag-uusap, nagyakapan pa nga ang dalawa
• Marami namang 'EchoNine' fans ang talagang natuwa sa interaction ng dalawa

Nag-viral online si Janine Gutierrez, isang kilalang Filipina actress, matapos makunan ng video ang kanyang interaction kasama ang anak ni Jericho Rosales na si Santino sa isang event.

Sa isang TikTok video na ibinahagi ng user na si @heyadamg, makikitang bumati at nagyakapan sina Janine at Santino bago sila nag-usap nang casual at magaan. Sa caption ng video, nakasulat pa nga: "Janine Gutierrez bumping into her BF's son, Santino, here in Marry Me At Marriott."

Maraming netizens naman ang natuwa at naantig sa pagkikita nina Janine at Santino, lalo na't makikitang komportable ang dalawa sa isa't isa. Lalong ikinagalak ito ng mga fans ng tambalang EchoNine, na siyang taguri sa real-life couple na sina Jericho at Janine. Samantalang, sa comment section naman ng TikTok video, bumuhos ang papuri at kilig mula sa mga netizens:

"Ang sweet naman, nakakatuwa makita."

"She looks so much like her mom here, grabe!"

"Aww, hindi halatang 35 na si Janine when with Santino ha!"

"Super gwapo talaga ng anak ni Echo! Manang mana sa tatay!"

"Glad to see na they're getting along well, hehe, God Bless EchoNine!"

Si Santino ay anak ni Jericho sa ex- partner niya na si Kai Palomares. Matatandaang 2024 ay kinumpirma ni Jericho na may relasyon sila, isang balitang agad na pinag-usapan sa social media at entertainment news. Muling napag-usapan ang aktor noong April nang opisyal niyang ipakilala ang sarili bilang nobyo ni Janine sa burol ng mamita ng aktres na si Pilita Corrales.

Ang viral na sandali nina Janine at Santino ay tila patunay ng positibong dynamics sa pagitan ng aktres at ng anak ng kanyang nobyo — bagay na lalo pang nagpapatibay sa suporta ng publiko.

Panoorin ang video sa ibaba:

Si Janine Gutierrez ay isang kilalang Filipina actress, model, at vlogger. Lumaki siya sa isang prominenteng angkan sa showbiz — anak siya nina Ramon Christopher Gutierrez at Lotlot de Leon, at apo ng mga beteranong artista na sina Pilita Corrales at Nora Aunor. Pumasok siya sa industriya noong 2012 sa mga teleserye ng GMA bago tuluyang lumipat sa ABS-CBN sa 2021. Sa larangan ng pelikula, kinilala niya ang husay, lalo na nang makamit niya ang Best Actress awards mula sa FAMAS at Gawad Urian noong 2020 para sa kanyang papel sa Babae at Baril.

Sa nakaraang ulat ng KAMI ay nag-day off si Janine Gutierrez mula sa kanyang shooting sa Bataan upang muling balikan ang dati nilang tahanan noong kanyang kabataan, at ibinahagi niya ang isang madamdamin at nostalgic na sulyap sa nakaraan. Ipinahayag ni Janine ang kanyang labis na pasasalamat sa kanyang mga magulang na sina Ramon Christopher Gutierrez at Lotlot de Leon. Binalikan din niya ang mga pagsusumikap ng kanyang mga magulang noon.

Samantalang noong May ay naging emosyonal si Janine Gutierrez sa isang madamdaming segment ng 'ASAP.' Noong una, ilang celebrities ang nag-perform sa entablado bilang pagbibigay-pugay sa mga showbiz icons na pumanaw na. Kabilang sa mga ito ay ang dalawang lola ni Janine — sina 'Mamita' Pilita Corrales at Nora Aunor. Habang nasa entablado at nagbibigay ng kanyang speech, hindi napigilan ng aktres ang maluha dahil sa ginawang tribute ng mga celebrities.

Source: KAMI.com.gh