Carla Abellana, ibinahagi ang sinapit ng aso habang kasama ang “narcissistic ex”

• Umani ng atensyon ang post sa Instagram tungkol sa isang asong apektado ng abusive relationship ng kanyang amo
• Nakarelate ang Kapuso actress na si Carla Abellana at ibinahagi ang sariling karanasan
• Ayon kay Carla, isa sa kanyang tatlong alaga noon ang pinakanaabuso ng kanyang dating karelasyon
• Sa kasalukuyan, masaya na umano ang kanyang mga alagang aso at hindi na natatakot

Pumukaw sa damdamin ng maraming pet lovers, kabilang na si Kapuso actress Carla Abellana, ang isang viral post sa Instagram na naglalarawan ng epekto ng isang abusive relationship sa isang alagang aso. Ibinahagi ng netizen ang kanyang kwento—mula sa mga pagbabago sa ugali ng kanyang aso habang sila ay nakatira pa sa isang "narcissistic" ex, hanggang sa unti-unting pagbuti ng kalagayan nito matapos silang makaalis.

Ayon sa post, ang kanyang aso na si Penny ay naging tahimik, laging takot, at halos hindi na kumakain habang sila’y magkasama pa ng kanyang ex. Ipinakita sa video ang physical signs ng anxiety ng aso—nakalubog ang mga tenga, nawalan ng gana, at natatakot sa mga lugar na dati nitong paboritong tambayan. Ngunit nang makalipat sila sa bagong bahay, bumalik ang sigla ni Penny. “Her ears perked back up… and she hasn’t missed a meal since the day we left,” ayon sa post.

Hindi nakapagpigil si Carla Abellana na mag-react sa post. Sa comment section, ibinahagi niya ang sariling mapait na karanasan habang kasama ang kanyang "narcissistic ex." Aniya, isa sa kanyang tatlong aso noon ang palaging naaabuso. “I had 3 dogs back then (now i have 6), 1 of which was the most abused by my Narcissistic ex,” ani ni Carla.

Matapos ang pitong taon at kalahati, nagdesisyon siyang wakasan ang relasyon. “It took 7 and a half years for me to wake up and I still regret not getting out earlier. I was blind for that long,” dagdag niya. Ayon sa aktres, palaging takot ang kanyang mga alaga noon—nagtatago, nanginginig, at palaging nakadikit sa kanya tuwing may tensyon sa bahay. Ngayon, malaya na ang kanyang mga alaga mula sa takot at trauma.

“No more tails tucked underneath their bodies, and no more ears pushed back. God is good. He made a way to get us all out and we’ve all been happier ever since,” emosyonal na pahayag ni Carla.

Si Carla Abellana ay isang kilalang Kapuso actress na matagal nang bahagi ng industriya ng showbiz. Maliban sa kanyang mga teleserye at endorsements, kilala rin siya bilang isang animal lover, lalo na sa kanyang mga alagang aso. Naghiwalay sila ni Tom Rodriguez noong 2022, ilang buwan lamang matapos ang kanilang kasal. Mula noon, naging bukas si Carla sa mga personal niyang karanasan, kabilang na ang tungkol sa emotional healing at animal welfare.

Naglabas ng saloobin si Carla sa social media tungkol sa matagal nang problema sa tubig sa Tagaytay, na labis umanong nakaapekto sa mga residente. Tinugon ng PrimeWater ang kanyang reklamo at sinabing nagsasagawa na sila ng mga hakbang upang masolusyunan ang isyu. Umani ito ng papuri mula sa netizens na humanga sa paninindigan ng aktres.

Hindi agad nakuntento si Carla sa naging tugon ng PrimeWater at muling naglabas ng pahayag sa Instagram. Aniya, kailangan ng mas malinaw at konkretong solusyon upang matugunan ang problema sa tubig. Patuloy siyang umaapela sa kumpanya at pamahalaan upang bigyan ng atensyong nararapat ang mga residente.

Source: KAMI.com.gh