Carla Abellana, kinuwestiyon ang mga paliwanag ng PrimeWater

• Naglabas ng opisyal na pahayag ang PrimeWater kaugnay sa reklamo ni Carla Abellana ukol sa water billing at serbisyo sa Tagaytay
• Ayon sa PrimeWater, aktibo pa rin umano ang account ni Carla at kaya’t may minimum na bill kada buwan
• Ipinaliwanag din nila na may naging pagbisita at pag-uusap daw sa caretaker ng bahay ng aktres
• Matapang namang kinuwestiyon ni Carla ang mga detalye ng pahayag at sinabing, “Visit to my property? When? Spoke with the caretaker? What caretaker? Daily deliveries? Really?”

Umuugong ngayon sa social media ang sagutan sa pagitan ng Kapuso actress na si Carla Abellana at PrimeWater, matapos ang kontrobersiyal na reklamo ng aktres tungkol sa water billing sa kanyang property sa Tagaytay.

Naglabas ng opisyal na pahayag ang PrimeWater noong Hunyo 28, 2025, bilang tugon sa mga hinaing na isinapubliko ni Carla kaugnay sa umano’y patuloy na paniningil sa kanya ng buwanang bill kahit wala umano siyang aktwal na water consumption.

Ayon sa kumpanya, aktibo pa rin daw ang account ng aktres at mayroong minimum na singil na ₱194 para sa 1 cubic meter at dagdag na ₱20 para sa maintenance. Ipinaliwanag ng PrimeWater na ito ay bahagi ng standard utility practice kung saan ang lahat ng aktibong account ay sinisingil ng minimum buwanang halaga kahit walang aktwal na gamit.

Dagdag pa nila, may inspektor daw silang nagpunta sa property at kinausap ang “caretaker” para ipaliwanag ang sitwasyon at mag-abot ng tulong. Anila, ginagawa rin umano nila ang daily water deliveries sa mga lugar na apektado ng mababa o walang pressure na tubig sa Tagaytay.

Ngunit mabilis na nagbigay ng reaksyon si Carla Abellana sa kanyang Instagram stories matapos makita ang pahayag. Ibinahagi niya ang screenshot ng statement ng PrimeWater at nilagyan ng matapang na caption:

"Visit to my property? When? Spoke with the caretaker? What caretaker? Daily deliveries? Really?"

Kitang-kita sa tono ng kanyang post ang pagkadismaya at pagdududa sa katotohanan ng inilabas na impormasyon ng water company.

Si Carla Abellana ay isa sa mga prominenteng aktres ng GMA Network na kilala sa kanyang mga drama series at husay sa pag-arte. Matapos ang ilang personal na pagsubok sa kanyang buhay, kabilang na ang breakup sa aktor na si Tom Rodriguez, mas naging bukas siya ngayon sa social media pagdating sa kanyang personal na opinyon, lalo na sa mga isyung nakaaapekto sa kanya. Ang kanyang pagiging prangka at tapat sa pagbabahagi ng mga karanasan ay hinahangaan ng marami, at ngayon ay isa na naman siyang boses para sa mga konsyumer na may parehong sitwasyon.

Usap-usapan pa rin hanggang ngayon ang naging interview ng ama ni Carla kung saan nabanggit niya ang ilang detalye tungkol sa umano'y one-night-stand isyu ni Tom. Ayon sa mga ulat, hindi pa rin umano nagkakaayos sina Carla at Tom, at patuloy ang tensyon sa pagitan nila. Ito ay naging maugong na topic sa social media lalo na sa mga fans ng dating mag-asawa.

Sa kabila ng mga isyung kinahaharap, ibinahagi ni Carla ang isang positibong post sa social media patungkol sa “happy people.” Ayon sa kanya, mahalaga pa rin ang pagpapakita ng saya at positibong pananaw kahit pa may pinagdaraanan. Marami sa kanyang followers ang naka-relate sa kanyang mensahe at pinuri ang kanyang resilience.

Source: KAMI.com.gh