Chloe San Jose, ibinida ang sweetness ni Carlos Yulo sa viral post

-Si Chloe San Jose ay nagbahagi ng sweet gesture ni Carlos Yulo sa social media

-Ipinagpalit ni Carlos ang kanyang sapatos at nagsuot ng knee-high boots para kay Chloe

-Dagdag pa ang pagmamasahe ng binti habang sila'y nakapila ng mahigit dalawang oras

-Nag-viral ang post at umani ng papuri mula sa mga netizens

Viral ngayon ang nakakakilig na post ni Chloe San Jose tungkol sa kanyang nobyo na si Carlos Yulo. Sa kanyang social media post, ibinahagi ni Chloe kung paano nagpakita ng kabutihan at pagiging maalaga si Carlos habang sila ay nakapila ng mahaba.

Ayon sa kanya, “my bf willingly swapped shoes with me and wore my knee high boots cos my feet's in pain as we wait in line for 150 mins plus points for the leg massages!! may this kind of love find you too my girlies.”

Ang simpleng kilos ng pagmamahal ni Carlos ay agad naging usap-usapan online. Maraming netizens ang natuwa at napa-"sana all" sa ipinakitang sweetness ng international gymnast.

“Sana all may jowa na handang magsuot ng boots para sa’yo!”

“Ang cute nilang dalawa, nakakatuwang love story!”

“Carlos Yulo is not just a champ sa gymnastics, pati sa love life panalo!”

“Deserve ni Chloe ang ganyang klase ng pagmamahal. Goals!”

“Nakakainspire ‘yung love nila. Grabe, galing sa fangirl turned girlfriend!”

Si Chloe San Jose ay kilala bilang proud girlfriend ni Carlos Yulo, ang world-class gymnast na kamakailan lamang ay nakakuha ng dalawang gintong medalya sa 2024 Paris Olympics. Matatandaan na si Chloe ay palaging nasa tabi ni Carlos sa iba't ibang international competitions tulad ng 2024 FIG Artistic Gymnastics World Cup sa Qatar at ang Paris Olympics. Sa kanyang Instagram, madalas niyang ibahagi ang mga behind-the-scenes moments nila ni Carlos.

Sa isang vlog-style post, ibinahagi ni Chloe kung paano nagsimula ang kanilang kwento ng pag-iibigan. Siya mismo ang unang nagpadala ng mensahe kay Carlos noong Abril 2020 sa X (dating Twitter). Ayon sa kanya, “Hi, I’m a fan po. Just came across your account and hindi na po kayo as active as before. I hope you’re doing well po. Stay safe. God bless.” Agad namang nag-reply si Carlos ng, “Hello, hehe. Anyway, I’m doing great here. Thank you. Ikaw din diyan ingat and God bless.”

Mula sa simpleng fan message ay nabuo ang isang matatag na relasyon. Sa kabila ng pagiging long-distance couple—dahil si Carlos ay nagte-training sa Japan at si Chloe ay nag-aaral sa Australia—nagtagumpay pa rin sila sa kanilang pagmamahalan. Sa wakas, nagkita sila sa Vietnam noong 31st Southeast Asian Games, at mula noon ay palaging kasama si Chloe sa mga laban ni Carlos.

Nagbigay ng reaksyon si Chloe sa isang quote tungkol sa self-worth na ibinahagi ni Kyline Alcantara. Bagama't hindi direkta ang patama, napansin ng netizens ang timing ng kanyang post na tila may pinaparinggan. Pinuri naman si Chloe ng mga followers niya sa pagiging matatag at classy sa kanyang tugon.

Hindi pinalampas ni Chloe ang isang komento mula sa netizen na tinawag siyang “mukhang bading.” Sa maayos ngunit matapang na paraan, sinagot niya ito at iginiit ang halaga ng respeto sa kapwa. Umani siya ng suporta mula sa kanyang mga followers at netizens na humanga sa kanyang composure.

Source: KAMI.com.gh