Klarisse at Dustin Yu ng PBB, trending matapos ang tensiyon sa weekly task

-Nagkaroon ng tensiyon sa pagitan nina Klarisse at Dustin Yu dahil sa weekly task na bawal magsalita

-Pinayuhan ni Klarisse ang mga housemates na umiwas muna sa kanilang comfort people upang maiwasan ang paglabag sa task

-Hindi agad naunawaan ni Dustin ang suhestiyon ni Klarisse na maghiwalay muna sila ni Bianca

-Naging emosyonal si Dustin matapos ang pag-uusap at naging usap-usapan ito ng mga netizens

Nag-trending sa social media ang naging tensiyon sa pagitan ng Pinoy Big Brother (PBB) housemates na sina Klarisse at Dustin Yu matapos ang isang seryosong pag-uusap kaugnay ng kanilang weekly task.

Sa kasalukuyang linggo ng PBB, ang weekly task ng mga housemates ay ang hindi pagsasalita. Bilang isa sa mga task leaders, iminungkahi ni Klarisse na umiwas muna ang bawat isa sa kanilang mga "comfort people" upang maiwasan ang paglabag sa patakaran ng task. Isa sa mga tinukoy ni Klarisse ay sina Dustin at Bianca.

Read also

Teacher na nanindigan laban sa pagpapahubad ng toga sa mga estudyante, nagpaunlak ng panayam

Sa isang pag-uusap, sinabi ni Klarisse kay Bianca, “Bianca, kaya pa? I’ll be honest with you — medyo na-disappoint ako sa ’yo kanina as task leaders. Syempre, ngayon, medyo marami kang nagawa (nasabing words), and ikaw pa ang nagsabi na ubusin ang oras. Is it okay if medyo maglayo muna kayo ni Dustin? O kaya mag-sacrifice?”

Hindi agad naunawaan ni Dustin ang suhestiyon ni Klarisse. Ayon sa kanya, hindi naman sila nag-uusap ni Bianca kapag magkasama sila. Dagdag pa niya, ang kanyang comfort people ay ang mga lalaki sa bahay, kaya't mas pinipili niyang lumapit kay Bianca upang maiwasan ang pagsasalita.

Sa kabila ng paliwanag ni Klarisse, naging emosyonal si Dustin at naramdaman niyang siya ay na-pinpoint. Ang insidenteng ito ay agad na naging usap-usapan sa social media, kung saan maraming netizens ang nagpahayag ng kanilang opinyon sa nangyari.

Ang Pinoy Big Brother (PBB) ay ang bersyon ng Pilipinas ng sikat na reality TV franchise na Big Brother mula sa Netherlands. Unang umere sa ABS-CBN noong Agosto 21, 2005, ang programa ay nagpapasok ng mga "housemates" sa isang bahay kung saan sila'y binabantayan 24/7 ng mga kamera at sinusubok sa iba't ibang tasks at challenges.

Read also

Viral na fashionista mommy, nakatanggap ng maaraming biyaya matapos ma-bash

Sa halos dalawang dekada, nagkaroon na ito ng 17 seasons, kabilang ang mga edisyong Teen, Celebrity, at Kumunity. Ilan sa mga naging host ng PBB ay sina Toni Gonzaga, Bianca Gonzalez, Robi Domingo, Kim Chiu, at Melai Cantiveros. Ang PBB ay naging launching pad para sa maraming artista tulad nina Kim Chiu, James Reid, Maymay Entrata, at Melai Cantiveros. ​

Klarisse De Guzman, matapang na inamin sa PBB episode: “I’m not straight”. Sa isang episode ng PBB, ibinahagi ni Klarisse De Guzman ang kanyang personal na kwento at inamin sa publiko ang kanyang sekswalidad. Ang kanyang pagiging bukas ay umani ng suporta mula sa mga netizens at kapwa housemates.

Ashley Ortega, may emosyonal at inspiring na mensahe matapos ma-evict sa PBB. Matapos ang kanyang eviction sa PBB, nagbahagi si Ashley Ortega ng isang emosyonal at nakaka-inspire na mensahe para sa kanyang mga tagasuporta. Ipinahayag niya ang kanyang pasasalamat at mga natutunan sa kanyang pananatili sa bahay ni Kuya.

Source: KAMI.com.gh