Andre Paras, pinagtanggol ang kapatid na si Kobe Paras laban sa mga kritiko

-Pinagtanggol ni Andre Paras ang kapatid na si Kobe matapos makatanggap ng batikos sa social media

-Nilinaw ni Andre na nasa tamang lugar at oras si Kobe nang mag-enjoy ito kasama ang kanyang mga kaibigan

-Iginiit niyang hindi dapat ginagawang isyu ang normal na paglabas ni Kobe sa club

-Kinwestyon din ni Andre ang motibo ng mga taong nagpo-post ng videos para lamang sa views at kita

Naglabas ng matapang na pahayag si Andre Paras sa social media upang ipagtanggol ang kapatid niyang si Kobe Paras, na kamakailan lamang ay naging paksa ng ilang videos online na tila nagbibigay ng maling impresyon sa publiko. Ayon kay Andre, ang mga kuhang iyon ay nagpapakita lamang ng isang normal na gabi ng kasiyahan sa isang legal na club kasama ang mga kaibigan ni Kobe.

Ani Andre, "Kobe is with his friends and he’s having fun. They are doing it in the right place and time. They are in a club. It’s legal to have fun and make noise there right?" Dagdag pa niya, kung ang isang tao raw ay pumunta sa club para lamang magbasa ng libro o matulog, doon raw dapat magtaka.

Read also

Vice Ganda, inalmahan ang nagpost ng edited nyang video: "Evil!"

Pinuna rin ni Andre ang tila intensyon ng ilang netizens na sirain ang reputasyon ng kanyang kapatid. “If you really cared about Kobe then you will not be doing this at all this. I know what you’re trying to do. You’re trying to make my brother look like a bad person,” aniya. Ipinunto rin ni Andre na ang mga babaeng kasama sa video ay pawang mga girlfriend ng mga kaibigan ni Kobe, bagay na hindi umano sinasabi sa publiko upang makalikha ng isyu.

Sa kanyang sunud-sunod na pahayag, iginiit ni Andre na ang mga ganitong uri ng post ay para lamang sa views at kita. “Issue = views, views = monetary gains. I understand how addicting it is to get views and comments on a social media post. But doing it this way? Nako po,” saad pa niya. Tinuligsa niya ang paggamit sa pangalan ng iba at sa kanilang pribadong buhay para lamang sa pansariling benepisyo ng content creators.

Read also

Candy Pangilinan, ibinida ang unang trabaho ni Quentin sa isang Italian Restaurant

Nagbabala pa si Andre na huwag burahin ang mga videos o i-block siya dahil ito raw ay maaaring ituring na pagtamper ng ebidensya. “Don’t even try deleting the videos you’ve made or even blocking me. You’ll just be tampering with evidence,” aniya. Sa huli, mariing sinabi ni Andre na bilang kuya ni Kobe, may karapatan siyang ipaglaban ito laban sa mga taong aniya'y nais lamang sirain ang pangalan ng kanyang kapatid.

Si Andre Paras ay isang aktor at dating basketball player na anak ng PBA legend na si Benjie Paras. Siya ay kapatid ni Kobe Paras, isang professional basketball player na kilala sa kanyang husay sa court at sa kanyang stint sa international leagues. Kilala si Andre sa pagiging protective kuya kay Kobe at ilang beses na rin siyang dumipensa sa kapatid sa harap ng mga kontrobersiya.

“Kobe Paras, ibinahagi ang larawan ng kanyang bagong tattoo sa dibdib”

Read also

Aiai Delas Alas, emosyonal sa engagement ng anak na si Sancho Vito sa girlfriend nitong si Paula

“Kobe Paras, umani ng papuri matapos makitang tumutulong sa charity event”

Source: KAMI.com.gh