Carla Abellana, emosyonal sa tagumpay ng kaniyang "egg freezing journey"

- Nagbahagi si Carla Abellana ng update tungkol sa kanyang egg freezing journey sa Instagram

- Ipinakita niya ang mga larawan habang kausap ang doktor at isinasagawa ang egg harvesting

- Nagpasalamat din si Carla sa kanyang pamilya at mga matatalik na kaibigan na hindi bumitaw sa kanya habang pinagdaraanan niya ang prosesong ito

- Marami ang natuwa at nagpaabot ng pagbati at suporta sa naging desisyon ng aktres

May bagong update si Carla Abellana kaugnay ng kanyang tinawag na “Egg Freezing Journey.” Sa kanyang pinakabagong Instagram post, ibinahagi ng aktres ang ilang larawan habang kausap ang doktor at isinasagawa ang proseso ng egg harvesting at freezing.

Sa caption ng kanyang post, sinabi ni Carla, “After over a month of daily injections, countless other medications, multiple trips to @conceiveivfmanila, several blood tests, so much weight gain, and a whole lot of waiting, the day for egg harvesting and freezing finally came!”

Read also

AC Bonifacio, sinagot ang mga negatibong komento matapos ang PBB eviction

Ayon pa sa aktres, hindi niya mailarawan ang halo-halong emosyon ng excitement at pasasalamat sa wakas ng proseso. “It certainly tested my patience and faith, and while there was bit of fear and worry, Doctors Eds Ong-Jao and the nurses at Conceive IVF Manila in QC were so reassuring and comforting every step of the way,” dagdag pa niya.

Nagpasalamat din si Carla sa kanyang pamilya at mga matatalik na kaibigan na hindi bumitaw sa kanya habang pinagdaraanan niya ang prosesong ito. “I’m beyond thankful for my family and best friends’ support too as I pass this next step in my journey. THANK YOU, Lord!” ani Carla.

Sa overlay text ng kanyang Instagram story, sinabi ng aktres na, “It’s been a couple of weeks, but we won’t stop trying to get the most of everything,” at “After over a month, it’s finally harvest time.” Ibinahagi rin niya na nagsisimula nang umepekto ang mga gamot at daily injections.

Read also

Kris Aquino, aminadong hindi pa rin nalalampasan ang pagkalungkot sa hiwalay kay Dr. Mike Padlan

Bagama’t “harvest time” pa lang ang ibinahagi niya, bumuhos na agad ang mga congratulatory messages mula sa kanyang mga followers at kaibigan. Marami ang natuwa para sa kanya at na-inspire sa kanyang desisyon na ipa-freeze ang kanyang mga itlog. Ayon sa ilang netizens, susundan nila ang hakbang ni Carla bilang paghahanda rin para sa kanilang kinabukasan.

Si Carla Abellana ay isang kilalang aktres at endorser sa Pilipinas na nagtatrabaho sa ilalim ng GMA Network. Bago pumasok sa industriya ng showbiz, nagtapos siya ng may karangalan sa kursong Psychology mula sa De La Salle University. Siya ay dating kasal sa kapwa Kapuso star na si Tom Rodriguez.​

Ibinahagi ni Carla ang isang emosyonal na mensahe sa pagpanaw ng kanyang lola, ang beteranang aktres na si Delia Razon, noong Marso 15, 2025. Sa kanyang Instagram post, nagbigay siya ng pagpupugay sa buhay at legacy ng kanyang mahal na lola.

Read also

Arnel Pineda, biktima ng fake news tungkol sa habambuhay na pagkakulong

Nag-post si Carla ng larawan mula sa burol ng kanyang lola, na nagpapakita ng urn ni Delia Razon na may nakasabit na pearl necklace, isang paboritong alahas ng yumaong aktres. Ibinahagi rin niya ang mga detalye ng wake sa kanyang mga tagasubaybay.

Source: KAMI.com.gh