Mark Herras, umalma sa alegasyon ni Jojo Mendrez sa kanya

- Nagbigay ng pahayag si Mark Herras tungkol sa isyung idedemanda siya ng grave threat ng singer na si Jojo Mendrez

- Mariin niyang itinanggi ang akusasyon at sinabing hindi niya ugali ang manakot ng tao kahit pa may mga isyung ibinabato sa kanya

- Iginiit niyang mas pinipili niyang ilaan ang kanyang oras at enerhiya sa pamilya at trabaho kaysa patulan ang kontrobersiya

- Bukas ang panig ni Jojo Mendrez upang magbigay ng kanyang pahayag tungkol sa isyu

Nagbigay ng pahayag ang aktor na si Mark Herras kaugnay ng isyung idedemanda umano siya ng singer na si Jojo Mendrez dahil sa grave threat. Sa mensaheng ipinadala niya sa TV5 reporter na si MJ Marfori, diretsahan niyang itinanggi ang paratang at iginiit na wala siyang kinalaman sa anumang banta o pananakot.

Ayon kay Mark, hindi niya ugali ang manakot ng tao kahit pa may mga isyung ibinabato sa kanya. Aniya, mas pinipili niyang ilaan ang kanyang oras at enerhiya sa kanyang pamilya at trabaho kaysa patulan ang mga kontrobersiya. “I’d rather give my time & energy sa pamilya o kaya sa mga work/raket,” ani pa niya.

Read also

Mark Herras, pina-blotter ni Jojo Mendrez dahil sa umano'y pagbabanta nito

Dagdag pa ng aktor, hindi niya balak patulan ang anumang isyu na pilit siyang isinasangkot. “Sorry, I’m the wrong guy para isama nyo or gawan nyo ng issue kasi ‘di ko kayo papatulan,” aniya. Sinabi rin niyang mas gugustuhin niyang maging “the better person” at hindi na makisawsaw sa kontrobersiya.

Nagbiro rin si Mark na marami pang ibang mas sikat sa kanya na maaaring pag-usapan kaysa idamay siya sa isang isyu. Nilinaw rin niya na ito na ang huling beses na magbibigay siya ng sagot tungkol sa usapin.

Samantala, bukas naman ang KAMI sa panig ni Jojo Mendrez upang magbigay ng kanyang pahayag kaugnay ng isyung ito.

Sa isang panayam ng TV5, inihayag ng abogado ni Mendrez na si Atty. Advincula ang dahilan ng kanilang pagpunta sa police station. Ayon sa kanya, “Nandito si Jojo Mendrez para magkaroon ng recordal of his complaint doon sa insidenteng nangyari na pagbabanta sa kanya amounting to grave threat.” Dagdag pa niya, may banta raw sa personal na seguridad ni Mendrez pati na rin sa kanyang ari-arian.

Read also

Aira Lopez, bumwelta sa netizen na nagsabing mukha silang mag-ama ni Mark Leviste

Si Mark Herras ay isang kilalang aktor at mananayaw sa Pilipinas. Ipinanganak siya noong Disyembre 14, 1986, sa Santa Rosa, Laguna. Nakilala siya matapos magwagi bilang Ultimate Male Survivor sa unang season ng reality talent show na "StarStruck" ng GMA Network noong 2003. Dahil sa kanyang husay sa pagsasayaw, binansagan siyang "Ultimate Bad Boy of the Dance Floor" at naging bahagi ng iba't ibang palabas sa telebisyon tulad ng "Forever in My Heart," "Encantadia," at "I Luv NY." Bukod sa kanyang karera sa showbiz, siya ay kasal sa aktres at beauty queen na si Nicole Donesa, at sila ay may isang anak na lalaki na nagngangalang Mark Fernando o "Baby Corky."

Ibinahagi nina Mark at Nicole ang masayang balita tungkol sa kanilang pangalawang anak sa pamamagitan ng isang gender reveal party. Sa nasabing selebrasyon, nalaman nilang sila ay magkakaroon muli ng isang baby boy.

Matapos ang mga espekulasyon tungkol sa kanyang ugnayan sa singer na si Jojo Mendrez, nagsalita na si Mark upang linawin ang isyu. Ayon sa kanya, ang kanilang pagkikita ay walang malisya at sila ay magkaibigan lamang.

Source: KAMI.com.gh