Sarina Hilario, pinahanga ang netizens sa pangakong aalagaan ang kanyang mga magulang

- Ibinahagi ni Maia Azores, asawa ni Jhong Hilario, ang video ng kanilang pag-uusap ng anak na si Sarina Hilario sa Instagram

- Naantig ang puso ng netizens sa sweet na pahayag ni Sarina na aalagaan niya ang kanyang mommy at daddy kapag lumaki na siya

- Sinabi ni Sarina na handa siyang maglakad kasama ang kanyang mga magulang dahil naglakad din sila kasama niya habang lumalaki siya

- Maraming netizens ang nagpakita ng kanilang pagmamahal at paghanga sa pagiging maalaga at mapagmahal na anak ni Sarina

Naantig ang puso ng netizens sa video na ibinahagi ni Maia Azores, asawa ng It's Showtime host at dancer na si Jhong Hilario, sa Instagram. Sa naturang video, makikita at maririnig ang kanilang sweet na pag-uusap ng anak nilang si Sarina Hilario.

Sa simula ng video, tinanong ni Maia si Sarina kung ano ang nararamdaman nito sa nalalapit na ikaapat na kaarawan. Sagot ng bata, "Maybe I'm happy because it's my birthday when I turn four."

Read also

Ogie Diaz, inalmahan ang kandidatong nanlait umano kay Vilma Santos

Nang tanungin naman kung pakiramdam ba niya ay malaki na siya, sagot ni Sarina, "Oh, so that I can do anything what I want. So that I can reach anything. I can reach my house. My ref there. I'll be taller than you."

Ngunit sinabi ni Maia na nalulungkot din siya sa ideyang lumalaki na ang kanilang unica hija, "It makes me sad kasi I feel like you won't be my baby anymore." Dito na pinaiyak ni Sarina ang mga netizens nang sagutin niya ang kanyang mommy ng "It's still good to be your baby when I grow up but it's seryoso."

Sa kasunod na bahagi ng video, sinabi ni Sarina na kapag lumaki na siya, siya naman ang mag-aalaga sa kanyang mommy at daddy. "If you can't reach that, I will reach it for you, guys. You're going to be my baby. I need to feed you and daddy. I will do anything that you want. I'm going to walk with you because you walked with me."

Read also

Mark Leviste, nagsalita tungkol sa pagbisita ng anak kamakailan kay Kris Aquino

Agad na nag-viral ang nakakatuwa at nakakaantig na video na ito, kung saan marami ang nagpaabot ng papuri sa pagiging maalaga at mapagmahal na anak ni Sarina. Maraming netizens ang napa-"aww" at naantig sa dalisay na pagmamalasakit ng bata sa kanyang mga magulang.

Si Sarina Hilario ay anak ng It’s Showtime host at dancer na si Jhong Hilario at ng kanyang longtime partner na si Maia Azores. Ipinanganak noong March 2021, si Sarina ay madalas maghatid ng good vibes sa social media dahil sa kanyang cute na antics at matalinong sagot sa mga tanong ng kanyang mga magulang. Sa murang edad, ipinapakita na ni Sarina ang pagmamalasakit at pagmamahal sa kanyang pamilya, kaya’t madalas siyang hinahangaan ng netizens.

Kamakailan ay kinagiliwan ng netizens si Sarina matapos niyang turuan si Jhong Hilario ng dance steps. Sa isang viral na video, makikita kung paano tinuruan ni Sarina ang kanyang daddy ng bagong dance steps. Maraming netizens ang natuwa sa pagiging natural dancer ni Sarina, na tila nagmana sa kanyang ama.

Read also

Kitty Duterte, nagbahagi ng madamdaming mensahe para sa kaarawan ni FPRRD

Tatlong araw bago ang kanyang ika-apat na kaarawan noong Marso 27, 2025, nagkaroon si Sarina ng isang aqua-themed photoshoot sa Spinkie Studio sa Makati City. Ang mga larawan mula sa photoshoot ay ibinahagi sa kanyang Instagram page, na umani ng maraming positibong komento mula sa netizens na humanga sa kanyang ka-cute-an at pagiging photogenic.

Source: KAMI.com.gh