VinCentiments ni Darryl Yap, naglabas ng bagong trailer para sa pelikula tungkol kay Pepsi Paloma

• Naglabas ng bagong trailer ang VinCentiments para sa pelikula tungkol kay Pepsi Paloma bilang paggunita sa ika-40 anibersaryo ng kanyang pagkamatay
• Si Darryl Yap ang sumulat at nagdirek ng pelikula na ipapalabas sa mga sinehan simula Pebrero 5
• Umani ng iba’t ibang reaksyon mula sa netizens ang trailer ng pelikula
• Layunin ng pelikula na muling buhayin ang kuwento at alaala ni Pepsi Paloma

Opisyal nang inilabas ng VinCentiments, ang production company ni Darryl Yap, ang trailer para sa pelikulang naglalaman ng umano'y kuwento tungkol kay Pepsi Paloma. Ang nasabing pelikula ay ginawa bilang paggunita sa ika-40 na anibersaryo ng pagkamatay ng dating bold star.

Si Darryl Yap mismo ang nagsulat at nagdirek ng pelikula, na inaasahang magbibigay-liwanag sa buhay at kontrobersyal na istorya ni Pepsi Paloma. Ayon sa trailer, nakatakda itong ipalabas sa mga sinehan simula Pebrero 5.

Umani ng sari-saring reaksyon ang trailer mula sa netizens. Ang ilan ay nasasabik na mapanood ang pelikula, habang may iba naman ang nagbigay ng kanilang opinyon ukol sa sensitibong tema na tinalakay dito.

Read also

Lola, natagpuang patay at hubo’t hubad sa loob ng musoleo sa Sorsogon

“Excited na akong makita kung paano nila isinalaysay ang kwento ni Pepsi Paloma. Sana ito’y makatulong para maunawaan ng mga tao ang kanyang pinagdaanan,” pahayag ng isang netizen.

Samantala, patuloy namang hinihikayat ni Darryl Yap ang mga manonood na suportahan ang kanyang proyekto, na aniya’y hindi lamang isang simpleng pelikula, kundi isang paraan upang maibahagi ang aniya'y totoong nangyari kay Pepsi.

Si Darryl Yap ay isang Filipino filmmaker, director, at screenwriter na kilala sa paggawa ng mga kontrobersyal na pelikula at online content. Siya ang nasa likod ng VinCentiments, isang social media platform na nagpo-produce ng short films at viral videos na kadalasang tumatalakay sa mga usapin ng buhay, lipunan, at politika.

Matatandaang nakisali ang kontrobersiyal na direktor sa mainit na sagutan ng social media personalities na sina Chloe San Jose at Sophia Delas Alas, anak ni Ai-Ai Delas Alas. Sa isang post na agad nag-viral, tila pabirong sinabi ni Yap na gusto rin niyang isali sa gulo. Aniya, “Sali niyo naman ako sa away niyo. Matapang din naman ako eh.”

Read also

Darryl Yap, binahagi ang tungkol sa umano'y pagkakaibigan nina Charito Solis at Pepsi Paloma

Sa gitna ng patuloy na usap-usapan tungkol sa umano'y sagutan nina Chloe San Jose at Sophia Delas Alas, anak ni Ai-ai Delas Alas, nagbigay opinyon si Yap na tila pabirong sumasali sa isyu. Matatandaang nag-post si Yap ng komento, sinasabing matapang din naman siya kaya’t gusto niyang isali sa gulo.

Source: KAMI.com.gh