Ivana Alawi, napaluha ang ilang delivery riders sa bigay niyang maagang pamasko

Sunday, December 08, 2024 at 10:18 PM by Marisse Gulferica 2 min read

- Mga delivery riders naman ang muling nabigyan ng biyaya ni Ivana Alawi

- Bahagi ng prank sa mga ito ay ang pag-alam kung may mabuti itong kalooban

- Kinakitaan ng busilak na kalooban ang mga delivery riders na handang tumulong sa kanilang customers na nangangailangan

- Kaya naman bilang gantimpala, hinandugan sila ng tumataginting na cash at cellphone

MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!

Muli na namang nakapagbigay saya si Ivana Alawi at ngayon naman ay sa mga delivery riders.

Ivana Alawi, napaluha ang ilang delivery riders sa bigay niyang maagang pamasko (Ivana Alawi)
Source: Youtube

Matatandaang tumulong na rin siya noon sa mga delivery riders kung saan namigay siya ng mga magagandang klase ng helmet.

Sa pinakabago niyang vlog, makikitang tila isang prank muna ang gagawin sa ilang mga riders.

May kasabwat na si Ivana na isang lola at magpapanggap bilang siya ang kukuha ng delivery.

Like and share our Facebook posts to support the KAMI team! Share your thoughts in the comments. We love reading them!

Nagkunwari ang lola na kulang ang pambayad at nakamamangha na aabonohan na lamang ng delivery rider ang anumang kulang.

Dahil bumilib sa kanya si Ivana, binigyan siya nitong cellphone at cash bilang maagang pamasko.

Read also

Jose Manalo, nag-propose na kay dating EB Babe Mergene Maranan

Gayundin sa mga sumunod na rider na kasalu-saludo ang kabutihan. Emosyonal nilang tinanggap ang regalo sa kanila ni Ivana na talagang hindi nila inaasahang matatanggap.

Narito ang kabuuan ng naturang video:

Si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 18.2 million ang kanyang mga YouTube subscribers.

Marami ang naaaliw sa mga vlogs ni Ivana sa kanyang channel dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Kamakailan, ibinahagi ni Ivana ang dahilan kung bakit siya naospital. yon kay Ivana, tila ito na ang pinakamatagal na panahon na inilagi niya sa ospital. "Ngayon niyo lang makikita na ganito ang itsura ko... Day 6 sa hospital and day 6 na walang ligo," ani Ivana.