Camille Trinidad, binahagi ang kanyang rhinoplasty journey sa kanilang bagong vlog

- Pinakita nina Camille Trinidad at Jayzam Manabat ang video ng pagsailalim ni Camille sa rhinoplasty

- Makikita sa kanilang bagong vlog ang araw-araw na pagbabago sa kanyang mukha habang unti-unting humihilom ang kanyang mga tahi

- Pinakita din niya kung paano niya inalagaan at nilinisan ang kanyang sugat para mas mabilis itong humilom

- Todo suporta naman si Jayzam kay Camille at sa isang bahagi ng video ay si Jayzam ang nagshampoo sa kanya

Sa kanilang bagong vlog, ipinakita ng YouTube couple na sina Camille Trinidad at Jayzam Manabat ang karanasan ni Camille sa pagsailalim sa rhinoplasty.

Detalyado nilang ibinahagi ang proseso mula sa operasyon hanggang sa unti-unting paggaling ng kanyang sugat, na nagbigay inspirasyon sa kanilang mga tagasubaybay.

Makikita sa vlog ang araw-araw na pagbabago sa mukha ni Camille habang humihilom ang kanyang mga tahi. Pinakita rin niya kung paano niya inalagaan at nilinisan ang sugat upang mas mabilis itong gumaling. Sa isang bahagi ng video, ipinakita ang pagiging maalaga ni Jayzam, na tumulong pa sa pagsa-shampoo kay Camille habang hindi pa niya magalaw nang maayos ang kanyang ulo.

Read also

Jennifer Hudson, napabato ng sapatos dahil sa performance ni Sofronio Vasquez

Todo suporta naman ang pamilya at mga kaibigan ng dalawa sa desisyon ni Camille. Masaya rin si Jayzam sa resulta at sinabing bumagay kay Camille ang kanyang bagong ilong. Ayon kay Camille, matagal niyang pinag-isipan ang pagpaparhinoplasty, ngunit ikinatutuwa niya ang kinalabasan nito.

Umani ng papuri mula sa kanilang fans ang vlog na ito, na nagsabing nakakainspire ang kanilang bukas na pagbabahagi sa kanilang personal na buhay.

Ang tambalang JaMill ay binubuo ng magkasintahang sina Jayzam Manabat at Camille Trinidad. Sumikat sila sa kanilang mga ginagawang content sa kanilang YouTube channel na mayroon nang mahigit 12 milyon na subscribers.

Matatandaang itinampok sina Ellen Adarna at Derek Ramsay sa YouTube channel ng JaMill. Para sa kanilang vlog collaboration, sinubukan ng dalawang mag-asawa ang nakakaaliw na ‘Never Have I Ever’ challenge. Habang pinapanood ang video, napansin ng netizens ang pagiging masigla at game na game nina Derek at Ellen. Ang pinakabagong vlog post ng JaMill kasama ang celebrity couple ay umani rin ng positibong reaksyon at komento mula sa netizens.

Read also

Camille Trinidad, binahaging nagpa-rhinoplasty siya: "Ngayon lang nagkalakas ng loob"

Nakatanggap ng kritisismo sina Derek Ramsay at Ellen Adarna dahil sa kanilang pakikipag-collab kina Jayzam Manabat at Camille Trinidad sa YouTube. Inakusahan sina Jayzam at Camille na hindi nagbabahagi ng kanilang mga biyaya sa iba, habang sinabi ng ilang netizens na hindi sila magandang halimbawa para sa kabataan. Ayon kay Derek, mali para sa netizens na isipin na hindi nagbabahagi ng biyaya ang JaMill dahil lamang hindi nila ito ipinapakita online.

Source: KAMI.com.gh