Mark Anthony Fernandez, nagpaliwanag tungkol sa kumalat na maselang video

- Nagsalita si Mark Anthony kaugnay sa kumalat na maselang video niya ilang buwan nang nakaraan

- Aniya, mano-manong hack ang nangyari habang nasa party sila ng kanyang tropang mga lalaki

- Doon daw nagsimula ang leakage ng maselang video nila ng kanyang girlfriend na matagal na daw na nangyari

- Inamin niyang siya ung naroon sa naturang video at hindi naman siya nagalit

Nagsalita na si Mark Anthony Fernandez kaugnay sa kontrobersyal na maselang video na kumalat ilang buwan na ang nakararaan. Ayon sa aktor, mano-manong hack umano ang nangyari habang nasa isang party siya kasama ang tropa niyang mga lalaki.

Aniya, doon nagsimula ang leakage ng video nila ng kanyang girlfriend, na matagal na palang nangyari. Inamin ni Mark Anthony na siya nga ang nasa naturang video ngunit nilinaw niyang hindi siya nagalit tungkol dito.

Sa eksklusibong panayam sa "Julius Babao UNPLUGGED," ibinahagi ni Mark Anthony na mas pinili niyang manahimik nang mag-leak ang video. Ikinuwento rin niya na mas minabuti niyang huwag nang palakihin ang isyu, lalo pa’t wala naman siyang intensyon na ipalabas ito sa publiko.

Read also

Sofia Andres, ni-like ang komento na nagtatanong kung pre-nup photos na ang post niya

Sa kabila ng mga negatibong reaksyon, sinabi ng aktor na tinanggap na lang niya ang mga pangyayari at patuloy siyang tumitingin sa positibong aspeto ng buhay.

Nilinaw rin ni Mark Anthony na hindi na sila dapat magulat sa ganitong insidente dahil sa kahinaan ng privacy sa social media, ngunit humingi siya ng pag-unawa sa publiko para sa kanyang pamilya at mga mahal sa buhay na apektado ng isyu.

Si Mark Anthony Fernandez ay isang kilalang aktor sa Pilipinas, anak ng yumaong aktor na si Rudy Fernandez at aktres na si Alma Moreno. Sumikat siya noong dekada ’90 bilang isa sa mga miyembro ng "Gwapings," isang grupo ng mga batang aktor na kinabibilangan nina Jomari Yllana, Eric Fructuoso, at Jao Mapa. Kilala siya sa mga pelikula at teleseryeng tulad ng Pare Ko, Matimbang Pa sa Dugo, at Darna, kung saan ipinakita niya ang kanyang kakayahan sa drama at aksyon.

Kamakailan ay in-interview ni Ogie Diaz si Mark Anthony Fernandez sa kanyang YouTube channel. Sa panayam, diretsong tinanong ni Ogie si Mark tungkol sa panahong natutulog siya sa loob ng musoleo ni Rudy Fernandez. Nang tanungin kung bakit niya piniling doon matulog, ipinaliwanag ni Mark na labis lang niyang namimiss ang kanyang ama.

Read also

Chariz Solomon, naparatangan ng harassment ng dating Bubble Gang co-star

Sa nasabing panayam ni Ogie, diretsong tinanong si Mark Anthony tungkol sa viral na larawan niya kasama ang dalawang babaeng pulis. Mahalagang balikan na naging usap-usapan online ang mga tsismis na kasama umano ng aktor ang dalawang babaeng opisyal. Nilinaw ng aktor ang mga bali-balita at itinanggi ito sa kanilang panayam, at sinabi niya, “Sabi ko nga, ‘Sana totoo.’”

Source: KAMI.com.gh